രാജ്യസഭാ സീറ്റ് സംബന്ധിച്ച വിഷയത്തിൽ കോൺഗ്രസ്സിൽ പ്രതിസന്ധി. രാജ്യസഭാ സീറ്റ് വേണ്ടന്ന് നിലപാട് മാറ്റി കേരള കോൺഗ്രസ്സ്. സ്ഥാനാർത്ഥിയെ ഇന്ന് പ്രഖ്യാപിച്ചേക്കും. രാജ്യസഭാ തെരഞ്ഞെടുപ്പിലേക്കുള്ള സ്ഥാനാര്‍ഥിയെ വൈകിട്ട് ഹൈക്കമാന്‍ഡാണ് പ്രഖ്യാപിക്കുന്നത്. ഇതുമായി ബന്ധപ്പെട്ട് ജോസ് കെ. മാണി എംപി കോണ്‍ഗ്രസ് നേതാക്കളുമായി ഡല്‍ഹിയില്‍ ചര്‍ച്ചകള്‍ തുടരുകയാണ്. എന്നാല്‍ സീറ്റ് കോണ്‍ഗ്രസ് വിട്ടു നല്‍കില്ലെന്ന കാര്യം ഏകദേശം ഉറപ്പായിട്ടുണ്ട്. കേരള കോണ്‍ഗ്രസ് ഉപാധികളൊന്നും മുന്നോട്ടുവച്ചിട്ടില്ലെങ്കിലും സീറ്റ് വേണമെന്ന ആവശ്യത്തില്‍ അവര്‍ക്ക് മാറ്റമൊന്നുമില്ല.

കേരളത്തില്‍ ഒഴിവുവരുന്ന രാജ്യസഭാ സീറ്റ് കേരള കോണ്‍ഗ്രസിനു വിട്ടുനല്‍കാനാകില്ലെന്ന് എഐസിസി ജനറല്‍ സെക്രട്ടറി ഉമ്മന്‍ ചാണ്ടി നേതൃത്വത്തെ അറിയിച്ചു. നേരത്തെ, പി.ജെ.കുര്യനും സീറ്റ് കേരളാ കോണ്‍ഗ്രസിന് നല്‍കാനാവില്ലെന്ന് നിലപാടെടുത്തിരുന്നു. ഇക്കാര്യമറിയിച്ച്‌ അദ്ദേഹം രാഹുല്‍ ഗാന്ധിക്ക് കത്ത് നല്‍കുകയും ചെയ്തു. ഇതിനു പിന്നാലെയാണ് ഉമ്മന്‍ ചാണ്ടിയും വിഷയത്തില്‍ ശക്തമായ എതിര്‍പ്പ് അറിയിച്ചത്.