കോണ്‍ഗ്രസില്‍ കലാപക്കൊടി. നേതാക്കള്‍ വിഴുപ്പലക്കുന്നു. മണ്ണും ചാരി നിന്നവന്‍ പെണ്ണും കൊണ്ട് പോയെന്ന് കോണ്‍ഗ്രസ് നേതാവ് രാജ്‌മോഹന്‍ ഉണ്ണിത്താന്‍ കുറ്റപ്പെടുത്തി. സഭയില്‍ കോണ്‍ഗ്രസ് അംഗങ്ങളുടെ എണ്ണം വര്‍ധിപ്പിക്കണമെന്ന് കെ സി ജോസഫ് ആവശ്യപ്പെട്ടു. ആത്മാഭിമാനം പണയംവെയ്ക്കരുതെന്ന് യൂത്ത് കോണ്‍ഗ്രസ് നേതാവ് ഡീന്‍ കുര്യാക്കോസ് മുന്നറിയിപ്പ് നല്‍കി. രാജ്യസഭ സീറ്റ് കേരള കോണ്‍ഗ്രസിന് വിട്ടുനല്‍കുന്നതിനെ ചൊല്ലി കോണ്‍ഗ്രസില്‍ കലാപം. മുസ്ലീം ലീഗിന്റെ കടുത്ത സമ്മര്‍ദത്തെ തുടര്‍ന്ന് രാജ്യസഭ സീറ്റ് കേരള കോണ്‍ഗ്രസ് മാണി വിഭാഗത്തിന് വിട്ടുനല്‍കാന്‍ കോണ്‍ഗ്രസ് സംസ്ഥാന നേതൃത്വം തീരുമാനിച്ചതായാണ് റിപ്പോര്‍ട്ട്. ഇതിന് പിന്നാലെയാണ് തീരുമാനത്തിനെതിരെ വിമര്‍ശനവുമായി ഒരു വിഭാഗം നേതാക്കള്‍ രംഗത്തുവന്നത്.
സീറ്റ് കേരളാകോണ്‍ഗ്രസിന് നല്‍കരുതെന്ന് സുധീരനും ആവശ്യപ്പെട്ടു. ഇക്കാര്യം ഡല്‍ഹിയിലുള്ള സംസ്ഥാനത്തെ കോണ്‍ഗ്രസ് നേതാക്കളെ അറിയിച്ചതായും സുധീരന്‍ പറഞ്ഞു. കെ.എം.മാണി ഇപ്പോള്‍ യു.ഡി. എഫിലെ ഘടകകക്ഷി അല്ലെന്നും അങ്ങനെയുള്ള കക്ഷിക്ക് സീറ്റ് നല്‍കേണ്ട ആവശ്യം എന്താണെന്നും സുധീരന്‍ ചോദിച്ചു. സീറ്റ് നല്‍കിയാല്‍ തന്നെ ഭാവിയില്‍ മാണിയും കൂട്ടരും എന്ത് തരത്തിലുള്ള നിലപാടാണ് സ്വീകരിക്കുകയെന്ന് പറയാന്‍ കഴിയില്ലെന്നും സുധീരന്‍ ആരോപിച്ചു.

രാജ്യസഭ സീറ്റ് കേരള കോണ്ഗ്രസ് മാണിവിഭാഗത്തിന് വിട്ടുനല്;കിയ നേതൃത്വത്തിന്റെ തീരുമാനത്തില്; പ്രതിഷേധിച്ച് രാജി. കെപിസിസി സെക്രട്ടറി അഡ്വ ജയന്ത് രാജിവെച്ചു. അവകാശപ്പെട്ട രാജ്യസഭ സീറ്റ് വിട്ടുനല്കിയതില് നേതൃത്വത്തിനെതിരായ പ്രതിഷേധം കനക്കുന്നതിനിടെയാണ് രാജി. നേതൃത്വത്തിന്റെ തീരുമാനത്തില് പ്രതിഷേധിച്ച് ആറ് യുവ എംഎല്എമാര് കോണ്ഗ്രസ് അധ്യക്ഷന്‍ രാഹുല് ഗാന്ധിക്ക് കത്തയച്ചു. വി ടി ബലറാം, റോജി എം ജോണ്‍, അനില് അക്കര, അടക്കമുളള എംഎല്എമാരാണ് തീരുമാനത്തിനെതിരെ രംഗത്തുവന്നിരിക്കുന്നത്.