കേരളാ കോണ്ഗ്രസിന് രാജ്യസഭ സീറ്റ് നന്കിയതില് പ്രതിഷേധം ശക്തമാകുന്നു ; ഉമ്മന്ചാണ്ടിയുടെയും ചെന്നിത്തലയുടെയും ചിത്രം ശവപ്പെട്ടിയിലാക്കി റീത്ത് വെച്ച് പ്രതിഷേധം
കേരളാ കോണ്ഗ്രസിന് രാജ്യസഭ സീറ്റ് നന്കിയതില് പ്രതിഷേധം ശക്തമാകുന്നു. ഇതിൽ പ്രതിഷേധിച്ച് എറണാകുളം ഡിസിസി ഓഫീസിനു മുന്നില് എ.ഐ.സി.സി ജനറല് സെക്രട്ടറിയും മുന് മുഖ്യമന്ത്രി കൂടിയായ ഉമ്മന്ചാണ്ടിയുടേയും പ്രതിപക്ഷ നേതാവ് രമേശ് ചെന്നിത്തലയുടേയും ചിത്രം ശവപ്പെട്ടിയിലാക്കി റീത്ത് വച്ച് പ്രതിഷേധം.
വെള്ളിയാഴ്ച കെ.എം മാണി രാജ്യസഭ സ്ഥാനാര്ത്ഥിയെ പ്രഖ്യാപിച്ച ഉടന് തന്നെ രാത്രി കോണ്ഗ്രസ് നേതാക്കളുടെ ചിത്രങ്ങള് വെച്ച് ശവപ്പെട്ടികള് സ്ഥാപിക്കുകയായിരുന്നു. ഇതിനുപുറമെ ഉമ്മന് ചാണ്ടിക്കും രമേശ് ചെന്നിത്തലയ്ക്കുമെതിരെ പോസ്റ്ററുകളും ബോര്ഡുകളും പ്രതിഷേധക്കാര് സ്ഥാപിച്ചു.
ഉമ്മന് ചാണ്ടിയും , ചെന്നിത്തലയും കോണ്ഗ്രസിലെ യൂദാസുമാര്. ഞങ്ങള് പ്രവര്ത്തകരുടെ മനസില് നിങ്ങള് മരിച്ചു, പ്രസ്ഥാനത്തെ വിറ്റിട്ട് നിങ്ങള്ക്ക് എന്ത് കിട്ടി, തുടങ്ങിയ പോസ്റ്ററുകളും സ്ഥാപിച്ചിട്ടുണ്ട്. കോണ്ഗ്രസ് പാര്ട്ടിയുടെ അഭിമാനത്തേക്കാള് നിങ്ങള് വില നല്കിയത് മാണിയുടെ വീട്ടിലെ കമ്മട്ടത്തിനോ, പ്രവര്ത്തകര് രക്തസാക്ഷികള് തുടങ്ങിയ പോസ്റ്ററുകളാണ് ഉയർന്നത്. അതേസമയം പേസ്റ്ററുകള് സ്ഥാപിച്ചവരെ പറ്റി വ്യക്തമായ വിവരം ലഭിച്ചിട്ടില്ല.
അതേസമയം, കോണ്ഗ്രസ് കേരളാ കോണ്ഗ്രസിന് നല്കിയ രാജ്യസഭാ സീറ്റില് ജോസ് കെ. മാണി എംപി മല്സരിക്കും. പാലായില് ചേര്ന്ന പാര്ട്ടി നേതൃയോഗത്തിലാണ് അന്തിമ തീരുമാനം.
https://www.facebook.com/Malayalivartha
