വിശാല ഐക്യത്തിനുള്ള മമതയുടെ തന്ത്രങ്ങൾക്ക് മേൽക്കൈ ; മമത ബാനർജി മുൻകൈ എടുത്തുകൊണ്ട് വിശാല ഐക്യം എന്ന ആശയം പ്രാവർത്തികമാക്കാൻ സോണിയ ഗാന്ധിയെ കാണാൻ ഡൽഹിയിലേക്ക് എത്തുമെന്ന് സൂചന
വരുന്ന ലോക്സഭാ തെരഞ്ഞെടുപ്പിന് മുൻപ് വിശാല പ്രതിപക്ഷ ഐക്യമുണ്ടാക്കുക എന്നത് വെല്ലുവിളിയായിരുന്നു. എന്നാൽ കേന്ദ്ര സർക്കാരിന് നേരെയുള്ള പരാമർശത്തിന്റെ പേരിൽ മമതക്കെതിരെ പോലീസ്കേസ് എടുത്തതോട് കൂടി ഇതിനുള്ള സാധ്യതകൾ കൂടുതൽ സജീവമാകുകയാണ്. മമത ബാനർജി മുൻകൈ എടുത്തുകൊണ്ട് വിശാല ഐക്യം എന്ന ആശയം പ്രാവർത്തികമാക്കാൻ സോണിയ ഗാന്ധിയെ കാണാൻ ഡൽഹിയിലേക്ക് എത്തുമെന്നാണ് സൂചന.
കഴിഞ്ഞ ലോക്സഭാ തെരഞ്ഞെടുപ്പിൽ ഗംഭീര വിജയം നേടിയിരുന്ന ബിജെപിയെ പ്രതിരോധിക്കാൻ പോലും പ്രതിപക്ഷത്തിന് ആയില്ല. സുപ്രധാനമായ പല വിഷയങ്ങളിലും കേന്ദ്ര സർക്കാരിനെതിരെ ആരോപണം ഉന്നയിചെങ്കിലും അവയൊന്നും ലോക്സഭയിൽ വിലപ്പോയില്ല. പ്രതിപക്ഷം കൊണ്ടുവരുന്ന ആരോപണങ്ങളെയെല്ലാം തന്ത്രപരമായി പ്രധാനമന്ത്രിയും സംഘവും എതിർത്ത് നിന്നു. പ്രതിപക്ഷത്ത് നിന്ന് ആരാകും പ്രധാനമന്ത്രി സ്ഥാനത്തേക്ക് ഉയർത്തപെടുക എന്ന ചർച്ച പലകുറി ഡൽഹിയിൽ നടന്നു. രാഹുൽ ഗാന്ധി തനിക്ക് സ്ഥാന മോഹം ഇല്ല എന്ന് വ്യക്തമാക്കിയതോടെ മറ്റ് ഉയർന്ന നേതാക്കളുടെ പേര് പ്രധാനമന്ത്രി സ്ഥാനത്തേക്ക് ഉയർന്ന കേൾക്കുന്നുണ്ടായിരുന്നു. പശ്ചിമബംഗാൾ മുഖ്യമന്ത്രി മമത ബാനർജിയുടെ പേര് തന്നെയാണ് ഇവിടെ പ്രഥമ പരിഗണന.
https://www.facebook.com/Malayalivartha