ഗോരക്ഷകന്‍മാര്‍ക്ക് ഐ.ഡി കാര്‍ഡുകള്‍ വിതരണം ചെയ്യാനൊരുങ്ങി ഉത്തരാഖണ്ഡ് സര്‍ക്കാര്‍
05 AUGUST 2018 11:57 AM IST
മലയാളി വാര്‍ത്ത
ഗോരക്ഷകന്‍മാര്‍ക്ക് ഐ.ഡി കാര്‍ഡുകള്‍ വിതരണം ചെയ്യാനൊരുങ്ങി ഉത്തരാഖണ്ഡ് സര്‍ക്കാര്‍. പശു സംരക്ഷണത്തിന്റെ പേരില്‍ കൊലയടക്കം നടത്തുന്നവരില്‍ നിന്നും നല്ലവരായ ഗോ സംരക്ഷകരെ തിരിച്ചറിയാനാണ് ഐ.ഡി കാര്‍ഡുകള്‍ വിതരണം ചെയ്യുന്നതെന്ന് ഗോ സേവ ആയോഗ് ചെയര്‍മാന്‍ എന്‍.എസ് റാവത് പറഞ്ഞു. ഗോരക്ഷകര്‍ എന്ന പേര് മാറ്റി 'ഗോ സംരക്ഷക്' എന്നാക്കിയിട്ടുമുണ്ട്.പശു സംരക്ഷണത്തിന്റെ പേരില്‍ രാജ്യത്ത് ആക്രമങ്ങള്‍ നടക്കുന്നതായി രണ്ടുവര്‍ഷം മുമ്പ് പ്രധാനമന്ത്രി നരേന്ദ്ര മോദി ചൂണ്ടിക്കാട്ടിയിരുന്നു. ഇതാണ് പുതിയ തീരുമാനത്തിന് പിന്നിലെന്നും റാവത് വ്യക്തമാക്കി.
സംസ്ഥാനത്തെ 6 ജില്ലകളിലെ നല്ലവരായ ഗോരക്ഷകന്‍മാരെ തിരിച്ചറിഞ്ഞെന്നും വൈകാതെ അവര്‍ക്ക് ഐ.ഡി കാര്‍ഡുകള്‍ വിതരണം ചെയ്യുമെന്നും റാവത് കൂട്ടിച്ചേര്‍ത്തു
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
