ചാന്ദ്ര പര്യവേക്ഷണ ദൗത്യമായ ചന്ദ്രയാന് 2 ന്റെ വിക്ഷേപണം അടുത്ത വര്ഷം ജനുവരിയില് നടത്തുമെന്ന് ഐ.എസ്.ആര്.ഒ
ചാന്ദ്ര പര്യവേക്ഷണ ദൗത്യമായ ചന്ദ്രയാന് 2 ന്റെ വിക്ഷേപണം അടുത്ത വര്ഷം ജനുവരിയില് നടത്തുമെന്ന് ഐ.എസ്.ആര്.ഒ വൃത്തങ്ങള് അറിയിച്ചു. ഈ വര്ഷം ഒക്ടോബറില് നടത്തേണ്ടിയിരുന്ന വിക്ഷേപണമാണ് സാങ്കേതിക കാരണങ്ങളാല് അടുത്തവര്ഷത്തേക്ക് നീട്ടിയത്. ചന്ദ്രന്റെ ഉപരിതലത്തില് ഇറങ്ങാന് കഴിയുന്ന വിധത്തിലുള്ള സാങ്കേതിക മാറ്റം വരുത്തിയാണ് ചന്ദ്രയാന് 2 വിക്ഷേപിക്കുന്നത്.
അടുത്ത വര്ഷം ജനുവരി മൂന്നിന് ചന്ദ്രയാന് 2 വിക്ഷേപിക്കാനാണ് ഉദ്ദേശിക്കുന്നതെന്ന് ഐ.എസ്.ആര്.ഒ ചെയര്മാന് കെ.ശിവന് പറഞ്ഞു. ഈ തീയതിയില് തന്നെ വിക്ഷേപണം നടത്താനാണ് ഐ.എസ്.ആര്.ഒ ഉദ്ദേശിക്കുന്നത്. എന്നാല് എന്തെങ്കിലും പ്രശ്നങ്ങള് ഉണ്ടായാല് വിക്ഷേപണം മാര്ച്ചിലേക്ക് നീളുമെന്നും അദ്ദേഹം ബംഗളൂരുവില് നടന്ന ചടങ്ങിനിടെ വ്യക്തമാക്കി.
ചന്ദ്രനില് സുഗമമായി ലാന്ഡ് ചെയ്യാന് കഴിയുന്ന തരത്തിലുള്ള മാറ്റങ്ങള് വരുത്തുന്നതാണ് വിക്ഷേപണം വൈകാന് കാരണമെന്നും കെ.ശിവന് കൂട്ടിച്ചേര്ത്തു. അതേസമയം, ചന്ദ്രയാന് 2ന്റെ വിക്ഷേപണം വൈകുന്നത് മൂലം ചാന്ദ്രദൗത്യത്തില് ഇസ്രായേല് ഇന്ത്യയെ മറികടക്കുമെന്നതരത്തിലുള്ള ആരോപണങ്ങളും സജീവമാണ്. സ്വകാര്യ കമ്പനിയായ സ്പേസ് ഐ.എല് നിര്മിച്ച ചന്ദ്രദൗത്യപേടകം ഈ വര്ഷം ഡിസംബറില് വിക്ഷേപിക്കാനാണ് ഇസ്രയേല് തീരുമാനിച്ചിരിക്കുന്നത്. അമേരിക്കന് റോക്കറ്റായ ഫാല്ക്കണ് 9ല് വിക്ഷേപിക്കുന്ന സ്പാരോ 2019 ഫെബ്രുവരിയില് ചന്ദ്രനില് എത്തുമെന്നാണ് കരുതപ്പെടുന്നത്.
അങ്ങനെയെങ്കില് യു.എസ്, റഷ്യ(യു.എസ്.എസ്.ആര്), ചൈന എന്നീ രാജ്യങ്ങള്ക്കുശേഷം ചന്ദ്രനില് സോഫ്റ്റ് ലാന്ഡിംഗ് നടത്തുന്ന നാലാമത്തെ രാജ്യമെന്ന ബഹുമതി ഇസ്രയേലിനു ലഭിക്കും. ഭ്രമണപഥത്തില് നിന്ന് ചന്ദ്രോപരിതലത്തിലേക്ക് ഇടിച്ചിറക്കിയുള്ള ഹാര്ഡ് ലാന്ഡിംഗ് ഗവേഷണമായിരുന്നു ചന്ദ്രയാന് ഒന്ന് ചെയ്തത്.
https://www.facebook.com/Malayalivartha