ഭീമകൊറേഗാവ് സംഘര്ഷവുമായി ബന്ധം ഉണ്ടെന്ന് ആരോപിച്ച് പോലീസ് റെയ്ഡ് നടത്തി പിടികൂടിയ അഞ്ചു മനുഷ്യാവകാശ പ്രവര്ത്തകരുടെ അറസ്റ്റിനെ വിമര്ശിച്ച് കനയ്യകുമാര്
ഭീമകൊറേഗാവ് സംഘര്ഷവുമായി ബന്ധം ഉണ്ടെന്ന് ആരോപിച്ച് രാജ്യത്തെ വിവിധ നഗരങ്ങളില് നിന്നു പൂന പോലീസ് റെയ്ഡ് നടത്തി പിടികൂടിയ അഞ്ചു മനുഷ്യാവകാശ പ്രവര്ത്തകരുടെ അറസ്റ്റിനെ വിമര്ശിച്ച് ജെഎന്യു വിദ്യാര്ഥി യൂണിയന് മുന് പ്രസിഡന്റും എഐഎസ്എഫ് നേതാവുമായ കനയ്യകുമാര്.
തങ്ങള് പേന ചലിപ്പിച്ച് ക്രിമിനലുകളായി, അവരാകട്ടെ കലാപം നടത്തി സര്ക്കാരുണ്ടാക്കി എന്നായിരുന്നു കനയ്യയുടെ വിമര്ശനം. നോമോര് ഫേക്ക് ചാര്ജസ് എന്ന ഹാഷ്ടാഗിലായിരുന്നു കനയ്യയുടെ ട്വീറ്റ്. വിപ്ലവ കവി പി. വരവരറാവു, അഭിഭാഷകയും ട്രേഡ് യൂണിയന് പ്രവര്ത്തകയും ആയ സുധ ഭരദ്വാജ്, മാധ്യമ പ്രവര്ത്തകന് ഗൗതം നാവ്ലാഖ, വെര്ണോന് ഗോണ്സാല്വസ്, അരുണ് ഫെരേര എന്നിവരെയാണ് കഴിഞ്ഞ ദിവസം വിവിധ നഗരങ്ങളില് നിന്ന് മാവോയിസ്റ്റ് ബന്ധം ആരോപിച്ചു പൂന പോലീസ് അറസ്റ്റ് ചെയ്തത്.
അറസ്റ്റിനെ ചോദ്യം ചെയ്തു റോമില ഥാപ്പര്, പ്രഭാത് പട്നായിക്, സതീഷ് ദേശ്പാണ്ഡേ, മാജാ ദാരുവാല എന്നിവര് ഉള്പ്പടെയുള്ളവര് സുപ്രീം കോടതിയെ സമീപിച്ചു. ഹര്ജി പരിഗണിച്ച സുപ്രീം കോടതി പൂന പോലീസ് റെയ്ഡ് നടത്തി പിടികൂടിയ അഞ്ചു മനുഷ്യാവകാശ പ്രവര്ത്തകരുടെ അറസ്റ്റ് വീട്ടുതടങ്കലാക്കി.
വിയോജിപ്പുകള് ജനാധിപത്യത്തിന്റെ സുരക്ഷാ വാല്വ് ആണെന്നു ഹര്ജി പരിഗണിക്കുന്നതിനിടെ സുപ്രീംകോടതി ചൂണ്ടിക്കാട്ടി.
https://www.facebook.com/Malayalivartha
