കള്ളപ്പണം വെളുപ്പിക്കാന്‍ കഴിഞ്ഞവര്‍ക്ക് മാത്രമാണ് നോട്ട് നിരോധനം കൊണ്ട് പ്രയോജനമുണ്ടായത്. നൂറോളം ജീവനുകള്‍ നഷ്ടമായി. നിരവധിപേര്‍ക്ക് തൊഴില്‍ നഷ്ടമായി. ചെറുകിട വ്യവസായങ്ങള്‍ തകര്‍ന്നു. ഇതെല്ലാമാണോ നോട്ട്‌നിരോധനം കൊണ്ട് നേടിയെന്ന് അരുണ്‍ ജയ്റ്റ്‌ലി അവകാശപ്പെടുന്നതെന്നും ചിദംബരം ചോദിച്ചു.

നോട്ട് നിരോധനത്തിന്റെ മറവില്‍ മൂന്ന് മുതല്‍ നാല് ലക്ഷം കോടിയോളം രൂപയുടെ കള്ളപ്പമം വെളുപ്പിച്ചെടുത്തുവെന്ന് മുന്‍ ധനമന്ത്രിയും കോണ്‍ഗ്രസ് നേതാവുമായി പി.ചിദംബരം. എല്ലാ പണവും മാറ്റിയെടുത്തിട്ടുണ്ടെങ്കില്‍ തീര്‍ച്ചയായും രാജ്യത്തെ വലിയൊരു ശതമാനം കള്ളപ്പണവും വെളുപ്പിച്ചിട്ടുണ്ടെന്ന് അദ്ദേഹം ആരോപിച്ചു.

നാല് ലക്ഷം കോടിയോളം രൂപ റിസര്‍വ് ബാങ്കില്‍ തിരിച്ചെത്തില്ലെന്നും അത് കള്ളപ്പണം ആയിരിക്കുമെന്നുമാണ് മോദി സര്‍ക്കാര്‍ പറഞ്ഞിരുന്നതെന്നും ചിദംബരം ചൂണ്ടിക്കാട്ടി. കള്ളപ്പണം വെളുപ്പിക്കാന്‍ കഴിഞ്ഞവര്‍ക്ക് മാത്രമാണ് നോട്ട് നിരോധനം കൊണ്ട് പ്രയോജനമുണ്ടായത്. നൂറോളം ജീവനുകള്‍ നഷ്ടമായി. നിരവധിപേര്‍ക്ക് തൊഴില്‍ നഷ്ടമായി. ചെറുകിട വ്യവസായങ്ങള്‍ തകര്‍ന്നു. ഇതെല്ലാമാണോ നോട്ട്‌നിരോധനം കൊണ്ട് നേടിയെന്ന് അരുണ്‍ ജയ്റ്റ്‌ലി അവകാശപ്പെടുന്നതെന്നും ചിദംബരം ചോദിച്ചു.

റിസര്‍വ് ബാങ്ക് പുറത്തുവിട്ട കണക്കുകള്‍ പ്രകാരം ഇനി 13000 കോടിയോളം മാത്രമാണ് റിസര്‍വ് ബാങ്കില്‍ തിരിച്ചെത്താനുള്ളത്. അത് നേപ്പാളിലോ ഭൂട്ടാനിലോ ഉണ്ടാകും. കുറച്ചൊക്കെ നശിച്ചുപോയിട്ടുമുണ്ടാകാം. ഈ 13000 കോടി രൂപക്ക് നൂറോളം പേരുടെ ജീവന്‍ നഷ്ടമായി. ദിവസക്കൂലിക്കാരായ 15 കോടിയോളം പേരുടെ ഉപജീവനമാര്‍ഗം നഷ്ടമായി. ആയിരക്കണക്കിന് ചെറുകിട വ്യവസായ സംരഭങ്ങള്‍ അടച്ചുപൂട്ടിയെന്നും ചിദംബരം ചൂണ്ടിക്കാട്ടി.