ദുര്‍മന്ത്രവാദത്തിന് ഇരയായി രണ്ട് വയസ്സുകാരന്‍. ഒളിഞ്ഞിരിക്കുന്ന നിധി ശേഖരം കണ്ടെത്തുന്നതിനാണ് യുവാക്കള്‍ കുട്ടിയെ ബലി നല്‍കിയത്. മുംബൈ ചന്ദ്രപുര്‍ ജില്ലയിലെ കന്ദല ഗ്രാമത്തിലാണ് സംഭവം.

കുട്ടിയുടെ വീടിന് സമീപത്തായാണ് സുനില്‍, പ്രമോദ് ബങ്കര്‍ എന്നീ യുവാക്കള്‍ താമസിച്ചിരുന്നത്. ഇവരാണ് സഹോദരനൊപ്പം കളിക്കുകയായിരുന്ന കുട്ടിയെ തട്ടിക്കൊണ്ടുപോയി കൊലപ്പെടുത്തിയത്. ബ്ലാക്ക് മാജിക്കിന് ശേഷം കുട്ടിയുടെ മൃതശരീരം അടുത്തുളള നദിയില്‍ ഉപേക്ഷിക്കാനായിരുന്നു പദ്ധതി. എന്നാല്‍ ആള്‍ സഞ്ചാരം അധികമായ വഴിയായതിനാല്‍ ആ പദ്ധതി വിജയിച്ചില്ല. തുടര്‍ന്ന് കുട്ടിയുടെ മൃതശരീരം വീടിനകത്ത് കച്ചിക്കൂന ഉണ്ടാക്കി അതില്‍ ഒളിപ്പിച്ചു. ശേഷം നദിയില്‍ തള്ളാനുള്ള അവസരത്തിനായി കാത്തിരിന്നു. ഇതിനിടയിലാണ് ഇവര്‍ പോലീസ് പിടിയിലായി. വൈകുന്നേരമായിട്ടും കുട്ടിയെ കാണാതായതിനെത്തുടര്‍ന്ന് നടത്തിയ അന്വേഷണത്തിലാണ് നരബലി പുറത്തായത്.

കുട്ടിയെ നരബലിക്കായി തെരഞ്ഞെടുത്തത് കുട്ടിയുടെ തലയില്‍ 3 ചുഴികള്‍ ഉള്ളതിനാലാണെന്ന് ഇവര്‍ മൊഴി നല്‍കി. കുഞ്ഞ് പിറന്നപ്പോള്‍ ആദ്യം കാലുകളാണ് പുറത്ത് വന്നതെന്നും അതിനാന്‍ അവന്‍ സഹനത്തിന്റെ പ്രതീകമായതിനാലാണ് ബ്ലാക്ക് മാജിക്കിനായി ബലി നല്‍കിയതെന്നും ഇവര്‍ പറയുന്നു.