നോട്ട് നിരോധനം നടത്തിയ നവംബര്‍ 8ന് ശേഷം മോദിയും ബിജെപിയും നടത്തിയ വാദങ്ങള്‍ക്ക് ഒരു പഞ്ഞവുമില്ലായിരുന്നു. മേരേ പ്യാര്‍ ദേശ് വാസിയേ എന്ന വാക്ക് നിരവധി ട്രോളുകാരും എറ്റെടുത്തിരുന്നു. എന്നാല്‍ ഇപ്പോള്‍ പറഞ്ഞ വാക്കുകള്‍ മോദിക്ക് ഓര്‍മ്മയില്ല. നോട്ട് നിരോധനം അപ്പാടെ പാളുകയും ചെയ്തു. നോട്ട് നിരോധനത്തിന് ശേഷം തിരിച്ചുവന്ന നോട്ടുകളുടെ കണക്കുകള്‍ റിസര്‍വ് ബാങ്ക് പുറത്തുവിട്ടതിന് കടുത്ത വിമര്‍ശനങ്ങള്‍ നേരിടുന്ന നരേന്ദ്ര മോദി ഇക്കാര്യത്തെ കുറിച്ചുള്ള മൗനം തുടരുന്നു. കള്ളപ്പണം തടയാനെന്ന മുഖ്യ ലക്ഷ്യത്തോടെ വിനിമയത്തിലുണ്ടായിരുന്ന കറന്‍സിയുടെ 87 ശതമാനവും ഒരു രാത്രിയില്‍ നിരോധിച്ച് ഉത്തരവിറക്കി രാജ്യത്തെ സാമ്പത്തിക അരാജകത്വത്തിലേക്ക് നയിച്ച തീരുമാനം ഭീമാബദ്ധമായെന്ന് വിമര്‍ശനങ്ങള്‍ക്കിടെ യുപിഎ സര്‍ക്കാരിന്റെ ബാങ്കിങ് നയങ്ങള്‍ക്കെതിരേയാണ് മോദിയുടെ ആശങ്ക.
സ്വതന്ത്ര്യത്തിന് ശേഷം 2018 വരെ 18 ലക്ഷം കോടിയാണ് ബാങ്കുകള്‍ വായ്പയായി നല്‍കിയിരുന്നത്. എന്നാല്‍ പിന്നീടുള്ള ആറ് വര്‍ഷം ഇത് 52 ലക്ഷം കോടിയായി ഉയര്‍ന്നു. മോദി ആരോപിച്ചു. അതേസമയം, നോട്ട് നിരോധനവുമായി ബന്ധപ്പെട്ട് യാതൊരുവിധ പ്രതികരണത്തിനും പ്രധാനമന്ത്രി തയാറായില്ല. ബാങ്കിങ് മേഖലയ്ക്ക് കനത്ത ഭീഷണിയാകുന്ന നിഷ്‌ക്രിയ ആസ്തികള്‍ പെരുകിയത് യുപിഎ സര്‍ക്കാരിന്റെ കാലത്താണെന്നാണ് മോദിയുടെ ആരോപണം. പോസ്റ്റല്‍ വകുപ്പിന്റെ കീഴിലെ പെയ്‌മെന്റ് ബാങ്ക് അവതരിപ്പിച്ചുകൊണ്ട് സംസാരിക്കുകയായിരുന്നു മോദി. കോണ്‍ഗ്രസ് നയിച്ച യുപിഎ സര്‍ക്കാരാണ് രാജ്യത്ത് നിഷ്‌ക്രിയ ആസ്തികളെന്ന പ്രതിസന്ധിയുണ്ടാക്കിയത്. ഒരു ഫോണ്‍ കോളിന്റെ പുറത്ത് ബിസിനസുകാര്‍ക്ക് കോടിക്കണക്കിന് രൂപയാണ് യുപിഎ കാലത്ത് ബാങ്കുകള്‍ ചെയ്തിരുന്നത്. തിരിച്ചടവുകളില്‍ വീഴ്ച വരുത്തുന്നവര്‍ക്ക് ബാങ്കുകള്‍ ഒരു രൂപ പോലും വായ്പ നല്‍കിയിട്ടില്ലെന്നും പ്രധാനമന്ത്രി പറഞ്ഞു.