ജവഹര്ലാല് നെഹ്റു സര്വകലാശാല വിദ്യാര്ഥി യൂണിയന് മുന് നേതാവ് കനയ്യകുമാര് ലോക്സഭാ തെരഞ്ഞെടുപ്പില് മത്സരിക്കും
ജവഹര്ലാല് നെഹ്റു സര്വകലാശാല വിദ്യാര്ഥി യൂണിയന് മുന് നേതാവ് കനയ്യകുമാര് 2019 ലോക്സഭാ തെരഞ്ഞെടുപ്പില് മത്സരിക്കും. ബിഹാറിലെ ബേഗുസാരായില്നിന്നാവും കനയ്യ സിപിഐ സീറ്റില് മത്സരിക്കുക. ഇതു സംബന്ധിച്ച് പാര്ട്ടിക്കുള്ളില് ധാരണയായതായാണു സൂചന. ബേഗുസാരായി ജില്ലയിലെ ബീഹത് സ്വദേശിയാണു കനയ്യ. ഡല്ഹിയിലെയും ബിഹാറിലെയും ഇടത് നേതാക്കള്ക്കു കനയ്യ മത്സരിക്കുന്നതിനോടു താത്പര്യമാണെന്ന് സിപിഐ ബിഹാര് ജനറല് സെക്രട്ടറി സത്യനാരായണ് സിംഗ് ഒരു ദേശീയ മാധ്യമത്തോടു പറഞ്ഞു.
കോണ്ഗ്രസ്, ആര്ജെഡി തുടങ്ങിയ പ്രതിപക്ഷ പാര്ട്ടികളും കനയ്യ കുമാറിന്റെ സ്ഥാനാര്ഥിത്വത്തെ പിന്തുണയ്ക്കുമെന്നാണു സിപിഐ കരുതുന്നത്. ഇക്കാര്യത്തില് പ്രതിപക്ഷ പാര്ട്ടികളുമായി ധാരണയില് എത്തിയെന്നും ആര്ജെഡി അധ്യക്ഷന് ലാലു പ്രസാദ് യാദവിനു പോലും കനയ്യകുമാര് മത്സരിക്കുന്നതിനോടു താത്പര്യമുണ്ടെന്നും സത്യനാരായണ് സിംഗ് പറഞ്ഞു.
നിലവില് ബിജെപിയുടെ സിറ്റിംഗ് സീറ്റാണ് ബേഗുസാരായി. ആര്ജെഡിയുടെ തന്വീര് സിംഗിനെ പരാജയപ്പെടുത്തി ബിജെപി സ്ഥാനാര്ഥി ഭോല സിംഗ് ഇവിടെ വിജയിച്ചു. 58,000 സീറ്റുകളുടെ ഭൂരിപക്ഷത്തിലായിരുന്നു ഭോലസിംഗിന്റെ വിജയം.
https://www.facebook.com/Malayalivartha
