സിപിഐ ദേശീയ സെക്രട്ടറിയേറ്റ് നാളെ ദില്ലിയില്‍ ; രാജസ്ഥാനത്തില്‍ കോണ്‍ഗ്രസ്സുമായി സഹകരിച്ച്‌ മത്സരിക്കുന്നതിന് സിപിഎം സംസ്ഥാന ഘടകം കേന്ദ്ര നേതൃത്വത്തിന്റെ അനുമതി തേടി
ഛത്തീസ്ഗഢ്, മധ്യപ്രദേശ്, രാജസ്ഥാന്‍ നിയമസഭാ തെരഞ്ഞെടുപ്പുകളില്‍ കോണ്‍ഗ്രെസ്സുമായി സഖ്യത്തില്‍ മത്സരിക്കാന്‍ സിപിഐ. സഖ്യം ചര്‍ച്ച ചെയ്യാന്‍ സിപിഐ ദേശീയ സെക്രട്ടറിയേറ്റ് നാളെ ദില്ലിയില്‍ ചേരും. രാജസ്ഥാനത്തില്‍ കോണ്‍ഗ്രസ്സുമായി സഹകരിച്ച്‌ മത്സരിക്കുന്നതിന് സിപിഎം സംസ്ഥാന ഘടകം കേന്ദ്ര നേതൃത്വത്തിന്റെ അനുമതി തേടി.
നവംബര്‍ ഡിസംബര്‍ മാസങ്ങളില്‍ നിയമസഭാ തെരെഞ്ഞെടുപ്പ് നടക്കുന്ന ഛത്തീസ്ഗഢ്, മധ്യപ്രദേശ്, രാജസ്ഥാന്‍ എന്നിവിടങ്ങളില്‍ കോണ്‍ഗ്രെസ്സുമായുള്ള സഖ്യത്തെ കുറിച്ച്‌ ചര്‍ച്ച ചെയ്യാന്‍ ആണ് സിപിഐ ദേശിയ സെക്രട്ടറിയേറ്റ് ചേരുന്നത്. നിലവില്‍ ഈ മൂന്ന് സംസ്ഥാനങ്ങളില്‍ സിപിഐയ്ക്ക് എംഎല്‍എമാരില്ല.
2013 ലെ നിയമസഭാ തെരെഞ്ഞെടുപ്പില്‍ ഛത്തീസ് ഗാര്‍ഡില്‍ മത്സരിച്ച 13 മണ്ഡലങ്ങളില്‍ 12 ഇടങ്ങളിലും പാര്‍ട്ടി സ്ഥാനാര്‍ത്ഥികള്‍ക്ക് കെട്ടി വച്ച കാശ് നഷ്ടമായി. 0.66 ശതമാനം വോട്ട് മാത്രമാണ് ലഭിച്ചത്. എന്നാല്‍ ശക്തി കേന്ദ്രം ആയ ബസ്തര്‍ മേഖലയില്‍ കോണ്‍ഗ്രസ്സുമായി സഖ്യത്തില്‍ ഏര്‍പ്പെട്ട് മത്സരിച്ചാല്‍ നേട്ടം ഉണ്ടാകും എന്നാണ് സിപിഐയുടെ കണക്ക് കൂട്ടല്‍. മധ്യ പ്രദേശ്, രാജസ്ഥാന്‍ എന്നിവിടങ്ങളില്‍ സിപിഐക്ക് കാര്യമായ സ്വാധീനം ഇല്ല. ഇവിടെ കോണ്‍ഗ്രസിന് പൂര്‍ണ്ണ പിന്തുണ പാര്‍ട്ടി നല്‍കും.
https://www.facebook.com/Malayalivartha
