കര്‍ണാടകയില്‍ എം.എല്‍.എമാരെ കടത്താന്‍ സൈനിക വിമാനം ഏര്‍പ്പാടാക്കിയെന്ന് കുമാരസ്വാമി; മഹാരാഷ്ട്രയിലെ ബി.ജെ.പി സര്‍ക്കാര്‍ എം.എല്‍.എമാര്‍ക്ക് താവളമൊരുക്കാന്‍ സന്നദ്ധത അറിയിച്ചിട്ടുണ്ടെന്നും കുമാരസ്വാമിയുടെ ആരോപണം
കര്‍ണാടക സര്‍ക്കാറിനെ താഴെയിറക്കാന്‍ ബി.ജെ.പി ശക്തമായ നീക്കം നടത്തിയതായി വെളിപ്പെടുത്തി വീണ്ടും മുഖ്യമന്ത്രി എച്ച്.ഡി കുമാരസ്വാമി രംഗത്തെത്തി. എം.എല്‍.എമാരെ ചാക്കിട്ടുപിടിക്കാനുള്ള ശ്രമം ഇപ്പോഴും തുടരുന്നുണ്ട് എന്നതിന് ശക്തമായ തെളിവാണ് ആശങ്കയോടുള്ള മുഖ്യമന്ത്രിയുടെ പരാമര്‍ശം. എം.എല്‍.എമാരെ കടത്താന്‍ ബി.ജെ.പി സൈനിക വിമാനം ഏര്‍പ്പാടാക്കിയിരുന്നു എന്ന ഗുരുതര ആരോപണമാണ് കുമാരസ്വാമി ഉന്നയിക്കുന്നത്. സര്‍ക്കാരിനെ വീഴ്ത്താന്‍ എല്ലാ വഴികളും തേടുകയാണ് ബി.ജെ.പി സംസ്ഥാന അധ്യക്ഷന്‍ ബി.എസ് യെദ്യൂരപ്പയെന്നും കുമാരസ്വാമി ആരോപിച്ചു.
കര്‍ണാടക സര്‍ക്കാരിനെ താഴെയിറക്കാന്‍ ബി.ജെ.പി സൈനിക വിമാനം ഉപയോഗിച്ച് നീക്കം നടത്തിയെന്ന ഗുരുതര ആരോപണവുമായി മുഖ്യമന്ത്രി എച്ച്.ഡി കുമാരസ്വാമി. ബി.ജെ.പിയും യെദ്യൂരപ്പയും എല്ലാ പരിധിയും ലംഘിച്ചിരിക്കുകയാണെന്നും ഞങ്ങളുടെ ചില എം.എല്‍.എമാരോട് അവരെ സൈനിക വിമാനത്തില്‍ മുംബൈയിലേക്കും പുണെയിലേക്കും കൊണ്ടുപോയി തിരികെ ബെംഗളൂരുവില്‍ എത്തിച്ച് വിധാന്‍ സൗധയില്‍ വിശ്വാസ വോട്ടെടുപ്പ് വേളയില്‍ ഹാജരാക്കാമെന്നാണ് പറഞ്ഞതെന്നും അദ്ദേഹം ആരോപിച്ചു. മഹാരാഷ്ട്രയിലെ ബി.ജെ.പി സര്‍ക്കാര്‍ എം.എല്‍.എമാര്‍ക്ക് താവളമൊരുക്കാന്‍ സന്നദ്ധത അറിയിച്ചിട്ടുണ്ടെന്നും കുമാരസ്വാമി ആരോപിച്ചു.
കുമാരസ്വാമിയുടെ വാക്കുകള്‍ ഇങ്ങനെ
ബി.ജെ.പിയും യെദ്യൂരപ്പയും എല്ലാ പരിധിയും ലംഘിച്ചിരിക്കുകയാണ്. തങ്ങളുടെ ചില എം.എല്‍.എമാരോട് അവരെ സൈനിക വിമാനത്തില്‍ മുംബൈയിലും പൂനൈയിലും കൊണ്ടുപോയി തിരികെ ബംഗളൂരുവില്‍ എത്തിച്ച് വിധാന്‍ സൗധയില്‍ വിശ്വാസവോട്ടെടുപ്പ് വേളയില്‍ ഹാജരാക്കാമെന്നാണ് പറഞ്ഞു.
ഇപ്പോഴും എന്ത് മാര്‍ഗം ഉപയോഗിച്ചും സര്‍ക്കാറിനെ മറിച്ചിടാനാണ് ശ്രമം നടക്കുന്നത്. ഇതുവരെ 18 എംഎല്‍എമാരെ കിട്ടിക്കഴിഞ്ഞു. 20 പേര്‍ തികഞ്ഞാല്‍ അവരെയെല്ലാം മുംബൈയിലേക്കും പൂനെയിലേക്കും മാറ്റുമെന്നാണ് ബി.ജെ.പി എം.എല്‍.എമാരോട് പറഞ്ഞത്. അഞ്ച് കോടി രൂപയും മറ്റും എം.എല്‍.എമാര്‍ക്ക് വാഗ്ദാനം ചെയ്യുന്നുണ്ടെന്നും കുമാരസ്വാമി ചൂണ്ടിക്കാട്ടി.
https://www.facebook.com/Malayalivartha
