ശബരിമല സ്ത്രീപ്രവേശം വിഷയത്തിൽ സുപ്രീംകോടതി വിധിക്കെതിരെ കേന്ദ്ര ധനമന്ത്രി അരുൺ ജെയ്റ്റ്‌ലി രംഗത്ത്. കോടതികൾ എല്ലാ മതങ്ങളോടും ഒരേ നിലപാട്പുലർത്തുന്നതാണ് പുരോഗമനപരമെന്നും, ഭരണഘടനയുടെ 14, 21 അനുച്ഛേദങ്ങൾ എല്ലാ മതങ്ങൾക്കും ഒരുപോലെ ബാധകമാക്കണമെന്നും അദ്ദേഹം പറഞ്ഞു.

എന്നാൽ ശരിക്കും അങ്ങനെയല്ല സംഭവിക്കുന്നത്. മറിച്ച്‌ ആചാരങ്ങളെ തിരഞ്ഞുപിടിച്ച്‌ ഉന്നം വെക്കുകയാണെന്നും അദ്ദേഹം എച്ച്.ടി ലീഡര്‍ഷിപ്പ് സമ്മിറ്റില്‍ സംസാരിക്കവെ അഭിപ്രായപ്പെട്ടു. സെപ്തംബർ 28 നാണ് ശബരിമല സ്ത്രീ പ്രവേശന വിഷയത്തിൽ സുപ്രീംകോടതി വിധി പുറപ്പെടുവിച്ചത്. വിഷയത്തിൽ വിധിക്കെതിരെ സംസ്ഥാനത്ത് വിശ്വാസി സമൂഹത്തിന്റെ പ്രതിഷേധം ഉലയുന്ന സാഹചര്യത്തിലാണ് കേന്ദ്രമന്ത്രിയുടെ പ്രതികരണം.