മുൻ പ്രധാനമന്ത്രി മൻമോഹൻ സിങ്ങിനെ പരിഹസിച്ച് ബി ജെ പി അധ്യക്ഷൻ അമിത്ഷാ. സോണിയ ഗാന്ധി എഴുതി നല്‍കിയിരുന്ന പ്രസംഗങ്ങളുമായിട്ടാണെന്ന് പ്രധാനമന്ത്രിയായിരിക്കെ മന്‍മോഹന്‍ സിങ് വിദേശയാത്രയ്ക്ക് പോയതെന്ന് പരിഹാസ രൂപേണ അമിത്ഷാ പറഞ്ഞു. നിരന്തരം പ്രധാനമന്ത്രി മോദി വിദേശയാത്ര നടത്തുന്നതിനെതിരായ വിമര്‍ശനങ്ങള്‍ക്ക് മറുപടി നല്‍കുന്നതിനിടെയാണ് മന്‍മോഹന്‍ സിങ്ങിനെ കടന്നാക്രമിച്ചു കൊണ്ട് അമിത്ഷാ രംഗത്തുവന്നത്.

മൗനി ബാബയായ മന്‍മോഹന്‍ സിങ്ങും വിദേശയാത്രകൾ ഒരുപാട് നടത്തിയിട്ടുണ്ട്. സോണിയ ഗാന്ധി അദ്ദേഹത്തിന് നൽകിയിട്ടുള്ള കുറെ പേപ്പറുകളുമായി വിദേശത്തേക്ക് കടക്കും. എന്നിട്ടു അവിടെ ചെന്ന് അത് വായിക്കും, എന്നിട്ടു തിരിച്ചു വരും. ഇതാണ് ശരിക്കും നടക്കുന്നത്. ഇങ്ങനെ തുടർന്ന് വന്നിരുന്ന ഒരു സാഹചര്യത്തിൽ മലേഷ്യയിൽ വായിക്കേണ്ട പ്രസംഗം തായ്‌ലാൻഡിലും. അവിടെ വായിക്കേണ്ടത് മലേഷ്യയിലും വായിച്ചുവെന്നും അമിത് ഷാ ആഞ്ഞടിച്ചു.

അതേസമയം, മോദി വിദേശത്തേക്ക് പോവുകയാണെങ്കില്‍ നിരവധി ആളുകളാണ് അവിടങ്ങളില്‍ മുദ്രാവാക്യങ്ങള്‍ വിളിച്ച്‌ കൂട്ടം കൂടുന്നത്. അത് മോദിക്കു വേണ്ടിയോ ബിജെപിക്ക് വേണ്ടിയോ അല്ല. പിന്നെ 125 കോടിവരുന്ന ഇന്ത്യക്കാര്‍ക്കുള്ള ബഹുമാനമാണ് അവര്‍ നല്‍കുന്നത് - അമിത് ഷാ പറഞ്ഞു.