ജെ.എന്‍.യു വിദ്യാര്‍ഥി നജീബ് അഹമ്മദിന്റെ തിരോധാന കേസ്... സി.ബി.ഐക്ക് അന്വേഷണം അവസാനിപ്പിച്ചുള്ള അന്തിമ റിപ്പോര്‍ട്ട് സമര്‍പ്പിക്കാമെന്ന് ഡല്‍ഹി ഹൈകോടതി, സി.ബി.ഐ ശരിയായ രീതിയില്‍ അന്വേഷണം നടത്തിയില്ലെന്ന് നജീബിന്റെ മാതാവ്
ജെ.എന്‍.യു വിദ്യാര്‍ഥി നജീബ് അഹമ്മദിന്റെ തിരോധാന കേസില്‍ സി.ബി.ഐക്ക് അന്വേഷണം അവസാനിപ്പിച്ചുള്ള അന്തിമ റിപ്പോര്‍ട്ട് സമര്‍പ്പിക്കാമെന്ന് ഡല്‍ഹി ഹൈകോടതി. 2016 ഒക്‌ടോബര്‍ 16 മുതല്‍ കാണാതായ നജീബിനെ ഇതുവരെ കണ്ടെത്താനാകാത്ത സാഹചര്യത്തില്‍ കേസ് അവസാനിപ്പിക്കാനുള്ള റിപ്പോര്‍ട്ട് സമര്‍പ്പിക്കാമെന്ന് ഹൈകോടതി വ്യക്തമാക്കി.
റിപ്പോര്‍ട്ട് സമര്‍പ്പിക്കുന്നതിന് മുമ്പ് നജീബിന്റെ മാതാവിന് പരാതി വിചാരണ കോടതിയില്‍ ബോധിപ്പിക്കാമെന്നും ജസ്റ്റിസ് എസ്.മുരളീധര്‍, ജസ്റ്റിസ് വിനോദ് ഗോയല്‍ എന്നിവരടങ്ങിയ ബെഞ്ച് അറിയിച്ചു.കേസ് അവസാനിപ്പിക്കുന്നതിനായി അന്തിമ റിപ്പോര്‍ട്ട് സമര്‍പ്പിക്കാന്‍ അനുമതി നല്‍കണമെന്ന് നേരത്തെ സി.ബി.ഐ ആവശ്യപ്പെട്ടിരുന്നു. എല്ലാ തലത്തിലുള്ള അന്വേഷണവും ഏജന്‍സി പൂര്‍ത്തിയാക്കിയെന്നും എന്നാല്‍ നജീബിനെ കണ്ടെത്താന്‍ കഴിയാത്ത സാഹചര്യത്തില്‍ കേസ് അവസാനിപ്പിക്കാന്‍ അനുമതി നല്‍കണമെന്നുമാണ് സി.ബി.ഐ ആവശ്യപ്പെട്ടത്.
എന്നാല്‍ സി.ബി.ഐ ശരിയായ രീതിയില്‍ അന്വേഷണം നടത്തിയില്ലെന്ന് നജീബിന്റെ മാതാവ് ഫാത്തിമ നഫീസ് കോടതിയെ അറിയിച്ചു.കേസ് അന്വേഷിച്ചുകൊണ്ടിരിക്കുന്ന ഉദ്യോഗസ്ഥരെ മാറ്റി പ്രത്യേക അന്വേഷണ സംഘത്തെ നിയോഗിച്ച് വീണ്ടും അന്വേഷിക്കണമെന്നാവശ്യപ്പെട്ട് ഫാത്തിമ നഫീസ് ഹൈകോടതിയില്‍ ഹരജി നല്‍കി. എന്നാല്‍ ഈ ഹരജി കോടതി തള്ളി
കാമ്പസില്‍ എ.ബി.വി.പി പ്രവര്‍ത്തകരുടെ മര്‍ദനത്തിന് ഇരയായതിനെ തുടര്‍ന്നാണ് നജീബിനെ കാണാതായത്. ഡല്‍ഹി പൊലീസിന്റെ അന്വേഷണത്തില്‍ അതൃപ്തി അറിയിച്ച് ഫാത്തിമ നഫീസ് ഹൈകോടതിയെ സമീപിക്കുകയും കോടതി സി.ബി.ഐ അന്വേഷണത്തിന് ഉത്തരവിടുകയുമായിരുന്നു.
"
https://www.facebook.com/Malayalivartha
