നിങ്ങളെക്കുറിച്ചുള്ള സത്യവും ഉടന് പുറത്തു വരും, മീടൂ ക്യാംപയിനിനെ ശക്തമായി പിന്തുണച്ച അമിതാഭ് ബച്ചനെതിരെ ബോളിവുഡ് ഹെയര് സ്റ്റെലിസ്റ്റ് സപ്ന ഭവ്നാനി
'ബോളിവുഡിനെ പിടിച്ചു കുലുക്കിയ മീ ടൂ ക്യാംപയിനിനെ ശക്തമായി പിന്തുണച്ച ബോളിവുഡ് താരം അമിതാഭ് ബച്ചനെതിരെ ബോളിവുഡിലെ തിരക്കേറിയ ഹെയര് സ്റ്റെലിസ്റ്റായ സപ്ന ഭവ്നാനി. ട്വിറ്ററില് അമിതാഭ് ബച്ചനെതിരെ ശക്തമായി തുറന്നടിച്ചുകൊണ്ട് നിങ്ങളെക്കുറിച്ചുള്ള സത്യവും ഉടന് പുറത്തു വരും എന്നാണ് സ്വപ്ന പറഞ്ഞത്.
ബോളിവുഡ് താരങ്ങളായ അലോക് നാഥിനെതിരെയും നാനാ പടേക്കറിനുമെതിരായ മീടൂ വെളിപ്പെടുത്തലുകളില് മൗനം പാലിച്ച അമിതാഭ് ബച്ചന് പിറന്നാള് ദിനത്തിലാണ് മീടൂ ക്യാംപയിനിനെ ശക്തമായി പിന്തുണച്ചത്. ''ഒരു സ്ത്രീയ്ക്കും എവിടെ വച്ചും ഒരു തരത്തിലുള്ള മോശം പെരുമാറ്റങ്ങളും നേരിടേണ്ട അവസ്ഥ വരരുത്. പ്രത്യേകിച്ച് അവളുടെ തൊഴിലിടത്തില്. അത്തരം അതിക്രമങ്ങള് അധികൃതരുടെ ശ്രദ്ധയില്പ്പെടുത്തുകയും വേണ്ട നടപടികള് സ്വീകരിക്കുകയും വേണം'' അമിതാഭ് ബച്ചന് പറഞ്ഞു. സ്ത്രീകളും കുട്ടികളുമാണ് നമ്മുടെ സമൂഹത്തില് ഏറ്റവുമധികം ആക്രമിക്കപ്പെടുന്നത്. അതിനാല് അവര്ക്ക് പ്രത്യേക സുരക്ഷ നല്കണമെന്നും ബച്ചന് പറഞ്ഞിരുന്നു.
ഇതിന് പിന്നാലെയാണ് സപ്ന ഭവ്നാനി ട്വിറ്ററില് പ്രതികരിച്ചത്. ഇതു വരെ കേട്ട ഏറ്റവും വലിയ നുണയാണ് ഇത്. പിങ്ക് എന്ന ചിത്രത്തിലെ അഭിനയത്തിന് ശേഷമാണ് സാമൂഹ്യ പ്രവര്ത്തകന് എന്ന പരിവേഷം താങ്കള്ക്ക് ലഭിച്ചത്. എന്നാല് നിങ്ങളെക്കുറിച്ചുള്ള സത്യവും ഉടന് പുറത്തു വരും. അപ്പോള് മാനസിക സമ്മര്ദ്ദം മറികടക്കാന് നഖങ്ങള് മാത്രം കടിച്ചാല് മതിയാവില്ല കൈകള് മുഴുവന് കടിക്കേണ്ട അവസ്ഥയാവുമെന്നും സപ്ന പറയുന്നു.
https://www.facebook.com/Malayalivartha