അഞ്ച് ഹൈക്കോടതികളിലേക്ക് പുതിയ ചീഫ് ജസ്റ്റീസുമാരെ ശിപാര്ശ ചെയ്ത് സുപ്രീംകോടതി കൊളീജിയം
അഞ്ച് ഹൈക്കോടതികളിലേക്ക് പുതിയ ചീഫ് ജസ്റ്റീസുമാരെ ശിപാര്ശ ചെയ്ത് സുപ്രീംകോടതി കൊളീജിയം. ഉത്തരാഖണ്ഡ്, സിക്കിം, ഗുവഹാത്തി, കോല്ക്കത്ത, ബോംബെ എന്നീ ഹൈക്കോടതികളിലേക്കാണ് ചീഫ് ജസ്റ്റീസുമാരെ ശിപാര്ശ ചെയ്തിരിക്കുന്നത്. ചീഫ് ജസ്റ്റീസ് രഞ്ജന് ഗൊഗോയ്, ജസ്റ്റീസ് മദന് ബി. ലോകൂര്, ജസ്റ്റീസ് കുര്യന് ജോസഫ് എന്നിവരടങ്ങുന്ന കൊളീജിയത്തിന്റതാണ് ശിപാര്ശ.
ബോംബെ ഹൈക്കോടതിയില് നിലവില് ആക്ടിംഗ് ചീഫ് ജസ്റ്റീസായ എന്.എച്ച്. പാട്ടീലിനെ ചീഫ് ജസ്റ്റീസായി ഉയര്ത്താനാണ് കൊളീജിയത്തിന്റെ ശിപാര്ശ. 2017 ഡിസംബര് മുതല് ബോംബെ ഹൈക്കോടതിയില് ചീഫ് ജസ്റ്റീസിന്റെ കരസേര ഒഴിഞ്ഞു കിടക്കുകയാണ്. കോല്ക്കത്ത ഹൈക്കോടതിയില് നിലവില് ആക്ടിംഗ് ചീഫ് ജസ്റ്റീസായ ഡി.കെ. ഗുപ്തയെ കോല്ക്കത്ത ഹൈക്കോടതി ചീഫ് ജസ്റ്റീസായി ഉയര്ത്താനും ശിപാര്ശ ചെയ്തു.
ഹൈദരാബാദ് ഹൈക്കോടതിയിലെ മുതിര്ന്ന ജഡ്ജി രമേശ് രംഗനാഥനെ ഉത്തരാഖണ്ഡ് ഹൈക്കോടതിയിലേക്ക് നിര്ദ്ദേശിച്ചു. ജസ്റ്റീസ് കെ.എം. ജോസഫിനെ സുപ്രീംകോടതി ജഡ്ജിയായി നിയമിച്ചതോടെയാണ് ഉത്തരാഖണ്ഡില് ചീഫ് ജസ്റ്റീസ് കരസേര ഒഴിഞ്ഞു കിടക്കുന്നത്. ഉത്തരാഖണ്ഡ് ഹൈക്കോടതിയിലെ മുതിര്ന്ന ജഡ്ജി വിജയ് കുമാര് ബിസ്തിനെ സിക്കിം ഹൈക്കോടിതി ചീഫ് ജസ്റ്റീസ് സ്ഥാനത്തേക്കും ശിപാര്ശ ചെയ്തു.
"
https://www.facebook.com/Malayalivartha