അഫ്ഗാനിസ്ഥാനിലെ തെരഞ്ഞെടുപ്പ് റാലിയിലുണ്ടായ സ്ഫോടനത്തില് 22 മരണം, 32 പേര്ക്ക് പരിക്ക്
അഫ്ഗാനിസ്ഥാനിലെ തെരഞ്ഞെടുപ്പ് റാലിയിലുണ്ടായ സ്ഫോടനത്തില് മരണം 22ആയി. ശനിയാഴ്ചയാണ് തെരഞ്ഞെടുപ്പ് റാലിക്കിടെ സ്ഫോടനം നടന്നത്. സ്ഫോടനം നടന്നയുടന് 12 പേര് മരിച്ചിരുന്നു. 32 പേര്ക്ക് പരിക്കേല്ക്കുകയും ചെയ്തു. റുസ്താഖ് പ്രവിശ്യയില് പാര്ലമന്റെ് അംഗമായ നാസിഫ ബെഗിന്റെ തെരഞ്ഞെടുപ്പ് പ്രചാരണ റാലിയിലാണ് സ്ഫോടനമുണ്ടായത്.
പ്രചാരണ റാലിയിലേക്ക് ഇടിച്ചു കയറിയ മോട്ടോര് സൈക്കിള് പൊട്ടിത്തെറിച്ചാണ് മരണം ഉണ്ടായത്. നാസിഫയുടെ രണ്ട് സ്വകാര്യ സുരക്ഷാ ജീവനക്കാരും സ്ഫോടനത്തില് മരിച്ചു. അഫ്ഗാന്റെ ശത്രുക്കള്ക്ക് ഒരിക്കലും തെരഞ്ഞെടുപ്പിന്റെ ജനാധിപത്യരീതികളെ തകര്ക്കാനാകില്ലെന്ന് പ്രസിഡന്റ് അഷ്റഫ് ഗാനി പറഞ്ഞു. ഒക്ടോബര് ഒമ്പതിന് തെരഞ്ഞെടുപ്പ് പ്രചരണത്തിനിടെയുണ്ടായ ചാവേര് ആക്രമണത്തില് ഒരു സ്ഥാനാര്ഥിയടക്കം എട്ടു പേര് മരിച്ചിരുന്നു.
ഒക്ടോബര് മൂന്നിനുണ്ടായ സ്ഫോടനത്തില് 14 പേരും കൊല്ലപ്പെട്ടിരുന്നു. ഒക്ടോബര് 20നാണ് തെരഞ്ഞെടുപ്പ്.
"
https://www.facebook.com/Malayalivartha