തിരഞ്ഞെടുപ്പില്‍ ഏറ്റവും വലിയ ഒറ്റക്കക്ഷിയായിരിന്നിട്ടു പോലും ഭരണം പിടിക്കാന്‍ ക‍ഴിയാതെ പോയ ചരിത്രമാണ് കോൺഗ്രസ്സിനുള്ളത് . ആ തെറ്റ് ഇത്തവണയും ആവര്‍ത്തിക്കില്ലെന്നാണ് കോണ്‍ഗ്രസ് ക്യാമ്പിലെ തിരക്കിട്ട ചര്‍ച്ചകള്‍ വ്യക്തമാക്കുന്നത്.

തെറ്റുകളില്‍ നിന്നും പാഠമുള്‍ക്കൊണ്ട് മുന്നോട്ട് പോകാനാണ് ഇനി കോണ്‍ഗ്രസ് ശ്രമിക്കുക. ഗോവയിലും മണിപ്പൂരിലും ഏറ്റവും വലിയ ഒറ്റക്കക്ഷിയായെങ്കിലും, ഭരണം പിടിക്കാന്‍ ക‍ഴിയെതെ പോയത് കോണ്‍ഗ്രസിന് വൻ തിരിച്ചടിയായിരുന്നു.

അത് ഇനി ഉണ്ടാകാതായിരിക്കാനാണ് കോണ്‍ഗ്രസ് ശ്രമിക്കുകയെന്ന് ഉറപ്പാണ്. ആദ്യഫലം പുറത്തു വന്നതോടെ കോണ്‍ഗ്രസിന്‍റെ വ്യക്തമായ മുന്നേറ്റമാണ് ദൃശ്യമായത്. അതോടെ സര്‍ക്കാരുണ്ടാക്കുന്നതുമായി ബന്ധപ്പെട്ട് കോണ്‍ഗ്രസ് ക്യാംപില്‍ ചര്‍ച്ചകള്‍ പുരോഗമിക്കുന്നു.