അഞ്ച് സംസ്ഥാന നിയമസഭകളിലേക്ക് നടന്ന തെരഞ്ഞെടുപ്പിന്റെ ആദ്യ ഫല സൂചനകള് കോണ്ഗ്രസിന് മുന്തൂക്കം, മധ്യപ്രദേശില് കോണ്ഗ്രസും ബി.ജെ.പിയും ഇഞ്ചോടിഞ്ച് പോരാട്ടത്തില്
അഞ്ച് സംസ്ഥാന നിയമസഭകളിലേക്ക് നടന്ന തെരഞ്ഞെടുപ്പിന്റെ ആദ്യ ഫല സൂചനകള് കോണ്ഗ്രസിന് മുന്തൂക്കം. രാജസ്ഥാനിലും ചത്തീസ്ഗഡിലും കോണ്ഗ്രസ് മുന്നേറ്റം തുടരുമ്പാള് നിര്ണായകമായ മധ്യപ്രദേശില് കോണ്ഗ്രസും ബി.ജെ.പിയും ഇഞ്ചോടിഞ്ച് പോരാട്ടത്തിലാണ്. വോട്ടെണ്ണല് തുടങ്ങിയപ്പോള് മധ്യപ്രദേശില് കോണ്ഗ്രസ് മൂന്നിലായിരുന്നു. പിന്നീട് ലീഡ് ബി.ജെ.പി തിരിച്ചുപിടിച്ചു.
അതേസമയം, രാജസ്ഥാനില് ബി.ജെ.പിക്ക് അടിപതറുന്നതാണ് തുടക്കത്തില് കാണുന്ന കാഴ്ച. ചത്തീസ്ഗഡിലും കോണ്ഗ്രസിനാണ് മുന്തൂക്കം. ഇവിടെ ബി.ജെ.പിയുടെ മുഖ്യമന്ത്രി സ്ഥാനാര്ഥി രമണ് സിങ് പിറകിലാണ്. അതേസമയം, തെലങ്കാനയില് ടി.ആര്.എസിനാണ് വ്യക്തമായ മേധാവിത്വം. എന്നാല്, മിസോറാമില് കോണ്ഗ്രസിന് ഭരണം നഷ്ടപ്പെടുമെന്നാണ് ആദ്യഫലം സൂചന. ഈ വടക്കുകിഴക്കന് സംസ്ഥാനത്ത് എം.എന്.എഫിനാണ് മുന്തൂക്കം.
2019 ലോക് സഭ തെരഞ്ഞെടുപ്പിന്റെ സെമിഫൈനലെന്ന് കരുതാവുന്ന നിയമസഭ തെരഞ്ഞെടുപ്പിന്റെ പ്രാഥമിക ഫലങ്ങള് കോണ്ഗ്രസ് തിരിച്ചുവരുന്നതിന്റെ സൂചനകള് നല്കുന്നു. രാജസ്ഥാനിലും മധ്യപ്രദേശിലും കോണ്ഗ്രസ് അധികാരം തിരിച്ചുപിടിച്ചാല് ബി.ജെ.പിക്ക് വന് തിരിച്ചടിയാവും.
https://www.facebook.com/Malayalivartha