ലോക് സഭ തിരഞ്ഞെടുപ്പിലേക്കുള്ള സെമി ഫൈനൽ എന്ന് വിശേഷിക്കപ്പെടുന്ന അഞ്ചു സംസ്ഥാനങ്ങളിലെ നിയമസഭാ തെരെഞ്ഞെടുപ്പിൽ മധ്യപ്രദേശില്‍ ബി.ജെ.പിയെ ജനം കൈവിട്ടേക്കാമെന്ന് മുന്‍ മുഖ്യമന്ത്രി ബാബു ലാല്‍ ഗോര്‍. ബി.ജെ.പി ഭരണത്തില്‍ ജനം തൃപ്തരല്ലെന്നാണ് നല്‍കുന്ന സൂചന.

എല്ലാ തവണയും ബി.ജെ.പി തന്നെ ജയിക്കണമെന്നില്ല . ചിലപ്പോള്‍ തൊട്ടുപോയേക്കാം . പ്രത്യേകിച്ചും 15 വര്‍ഷമായി ഒരു സംസ്ഥാനത്തില്‍ ഭരണത്തിലിരിക്കുന്ന പാര്‍ട്ടി.

മധ്യപ്രദേശില്‍ ബി.ജെ.പി അധികാരത്തില്‍ തുടരണമെന്നാണ് ആഗ്രഹം. അതേസമയം , ജനവിധി നടക്കട്ടെയെന്നും അദ്ദേഹം പ്രതികരിച്ചു. മകള്‍ കൃഷ്ണ ഗൗര്‍ വിജയിക്കുമോ എന്ന ചോദ്യത്തിന് വലിയ മാര്‍ജിനില്‍ വിജയം ഉറപ്പാണെന്നായിരുന്നു അദ്ദേഹത്തിന്റെ പ്രതികരണം.

മധ്യപ്രദേശില്‍ 115 സീറ്റുകളില്‍ കോണ്‍ഗ്രസ് മുന്നേറുമ്പോള്‍ 103 സീറ്റുകളില്‍ ബി.ജെ.പിയാണ് ഉള്ളത്.