ബി.ജെ.പി ഭരണം തുടരുന്ന മദ്ധ്യപ്രദേശില് പുത്തന് തന്ത്രങ്ങള് മെനഞ്ഞ് കോണ്ഗ്രസ്
മദ്ധ്യപ്രദേശില് വോട്ടെണ്ണല് പത്ത് മണിവരെ തുടരുമെന്നാണ് തിരഞ്ഞെടുപ്പ് കമ്മിഷന് നല്കുന്ന വിവരം. എന്നാല് വോട്ടെടുപ്പ് തീരുന്നതിന് മുമ്പെ പുതിയ തന്ത്രങ്ങള് മെനയുകയാണ് കോണ്ഗ്രസ്. പാര്ട്ടിയുടെ മുതിര്ന്ന നേതാവും മുന് പ്രതിരോധ മന്ത്രിയുമായ എ.കെ ആന്റണിയെ മദ്ധ്യപ്രദേശിന്റെ പുതിയ നിരീക്ഷകനാക്കിയിരിക്കുകയാണ് കോണ്ഗ്രസ്. പ്രവചനാതീതമായി വോട്ടെണ്ണല് തുടരുന്ന മദ്ധ്യപ്രദേശില് സര്ക്കാര് രൂപീകരിക്കുന്നതിനുള്ള നീക്കങ്ങള്ക്ക് നേതൃത്വം നല്കുന്നത് എ.കെ ആന്റണിയായിരിക്കും.
അതേസമയം, കോണ്ഗ്രസ് വിജയമുറപ്പിച്ച ഛത്തീസ്ഗഡില് മറ്റൊരു മുതിര്ന്ന നേതാവ് മല്ലികാര്ജുന് ഖാര്ഗെ കോണ്ഗ്രസ് നിരീക്ഷകനാകും. കോണ്ഗ്രസ് കേവല ഭൂരിപക്ഷം ഉറപ്പാക്കിയ ഇവിടെ സര്ക്കാര് രൂപീകരണ നീക്കങ്ങള്ക്കു ഖാര്ഗെ നേതൃത്വം നല്കും. നേരത്തെ, എ.ഐ.സി.സി ജനറല് സെക്രട്ടറി കൂടിയായ കെ.സി. വേണുഗോപാലിനെ സര്ക്കാര് രൂപീകരണ നീക്കങ്ങള്ക്കു ചുക്കാന് പിടിക്കാനായി രാജസ്ഥാനിലേക്ക് രാഹുല് ഗാന്ധി നിയോഗിച്ചിരുന്നു.
https://www.facebook.com/Malayalivartha
