ലൈംഗിക പീഡനക്കേസില്‍ ഇരയാവുന്നവരുടെ പേരോ മറ്റ് വിവരങ്ങളോ ഇരയെ മനസിലാക്കുന്ന വിധത്തിലുള്ള ചെറിയ സൂചനകള്‍ പോലും പുറത്തുവിടരുതെന്ന് സുപ്രീം കോടതി. ഇരകളാകുന്നവരെകുറിച്ച് ചെറിയ സൂചനകള്‍ പോലും പത്ര മാധ്യമങ്ങളിലുടെ പ്രസിദ്ധപ്പെടുത്തരുതെന്നും ജസ്റ്റീസ് മദന്‍ ബി. ലോകുര്‍ അധ്യക്ഷനായ ബെഞ്ച് ഉത്തരവിട്ടു.

അക്രമിത്തിന് ഇരയാവുന്നവരെ തൊട്ടുകൂടാത്തവരായി കാണുന്ന സമൂഹത്തിന്റെ രീതി ദൗര്‍ഭാഗ്യകരമാണെന്നു നിരീക്ഷിച്ചാണ് കോടതിയുടെ നടപടി. പ്രായപൂര്‍ത്തിയാകാത്തവര്‍ക്കെതിരേയുള്ള നടക്കുന്ന അതിക്രമണങ്ങളില്‍ കേസുകളുടെ എഫ്‌ഐആര്‍ വെബ്‌സൈറ്റുകളിലോ മറ്റ് പൊതുസ്ഥലങ്ങളിലോ പ്രദര്‍ശിപ്പിക്കരുതെന്നു പോലീസിനോടും കോടതി നിര്‍ദേശിച്ചു. മങ്ങിയ രീതിയിലുള്ളതോ മറ്റ് രീതിയിലുള്ളതുമായ ചിത്രങ്ങളും പ്രദര്‍ശിപ്പിക്കാന്‍ പാടില്ലെന്നും കോടതി ഉത്തരവിട്ടു.