മയക്കുമരുന്നുകൾക്ക് അടിമപ്പെടുന്നതിന് സമാനമാണ് പബ്ജിക്ക് കീഴ്പ്പെടുന്നത് ! ; പബ്ജി നിരോധിക്കണമെന്ന ആവശ്യവുമായി സ്റ്റുഡൻറ്സ് അസോസിയേഷൻ
പബ്ജി ഗെയിമുകളെപ്പറ്റി ഇന്ന് അറിയാത്തവരില്ല. ഇൻറർനെറ്റ് ഗെയിമിംഗിൻറെ മാസ്മരിക ലോകം തുറന്ന പബ്ജി മലയാളികളുൾപ്പടെയുള്ളവരുടെ മനം കവർന്ന ഗെയിം ആണ്. എന്നാൽ ആൻഡ്രോയിഡ്, ഐ.ഒ.എസ് പ്ലാറ്റ്ഫോമുകളിൽ ഒരുക്കിയിരിക്കുന്ന ഗെയിമിനെതിരെ ഇപ്പോൾ പരാതി ഉയർന്നിരിക്കുകയാണ്.
കശ്മീരിൽ പബ്ജി നിരോധിക്കണമെന്ന ആവശ്യവുമായി രംഗത്തെത്തിയിരിക്കുകയാണ് കശ്മീരിലെ ഒരു വിദ്യാർഥി സംഘടന. കശ്മീർ സ്റ്റുഡൻറ്സ് അസോസിയേഷനാണ് പബ്ജി നിരോധിക്കണമെന്ന ആവശ്യവുമായി രംഗത്തെത്തിയത്.
ഗവർണർ സത്യപാൽ നായിക്കിനാണ് അസോസിയേഷൻ പരാതി നൽകിയത്. പത്ത്, പന്ത്രണ്ട് ക്ലാസുകളിലെ വിദ്യാർത്ഥികളുടെ പരീക്ഷയിലെ മോശം പ്രകടനത്തിന് കാരണം പബ്ജിയാണെന്നാണ് വിദ്യാർഥി സംഘടന പറയുന്നത്. മയക്കുമരുന്നുകൾക്ക് അടിമപ്പെടുന്നതിന് സമാനമാണ് പബ്ജിക്ക് കീഴ്പ്പെടുന്നതെന്ന് പരാതിയിൽ വ്യക്തമാക്കുന്നു. അതേസമയം ഭാവി തലമുറയെ നശിപ്പിക്കുന്നതാണെന്നാണ് പബ്ജിയെന്ന് ജമ്മുകശ്മീർ സ്റ്റുഡൻറസ് അസോസിയേഷൻ ചെയർമാൻ അക്ബർ അഹമ്മദ് ഭട്ട് പറഞ്ഞു. അതേസമയം, ഇതേക്കുറിച്ച് പ്രതികരിക്കാൻ പബ്ജി ഗെയിമിന്റെ നിർമ്മാതാക്കളായ ടെൻസെന്റ് തയ്യാറായിട്ടില്ല.
https://www.facebook.com/Malayalivartha