ജമ്മു കാശ്മീരില് കനത്ത മഞ്ഞുവീഴ്ചയെ തുടര്ന്ന് ജനജീവിതം ദുസ്സഹം... പല സ്ഥലങ്ങളിലും വാഹനങ്ങള് കുടുങ്ങി കിടക്കുന്നു
22 JANUARY 2019 10:59 AM IST
മലയാളി വാര്ത്ത
കനത്ത മഞ്ഞുവീഴ്ചയെ തുടര്ന്ന് ജമ്മു കാഷ്മീരില് ജനജീവിതം ദുസഹമായി. മണ്ണിടിച്ചിലും ഹിമപാതവും കാരണം ജമ്മുശ്രീനഗര് ദേശീയപാത അടച്ചു. 300 കിലോമീറ്റര് ദൂരമുള്ള പാതയില് പലയിടത്തും വണ്ടികള് കുടുങ്ങിക്കിടക്കുകയാണ്. ജവഹര് ടണല് മേഖലയിലാണ് ഹിമപാതമുണ്ടായത്. മഞ്ഞ് മാറ്റാന് സൈന്യത്തിന്റെ നേതൃത്വത്തില് ശ്രമം തുടരുകയാണ്.
ഇതുവഴിയുള്ള ഗതാഗതം പൂര്വ്വ സ്ഥിതിയിലാക്കാന് ഒരുദിവസമെങ്കിലും വേണ്ടിവരുമെന്ന് അധികൃതര് പറഞ്ഞു. ദിഗ്ഡോല്, പാന്തല്, മഗര്കോട്ടെ എന്നിവടങ്ങളിലും രൂക്ഷമായ മഞ്ഞുവീഴ്ചയാണ്. കാശ്മീര് താഴ്വരയിലേക്കുള്ള സാധനങ്ങളെല്ലാം ദേശീയപാത വഴിയാണ് എത്തിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
