മേ​ഘാ​ല​യ​യി​ലെ കി​ഴ​ക്ക​ന്‍ ജ​യ്ന്‍​തി​യ കു​ന്നി​ലെ ക​ല്‍​ക്ക​രി ഖ​നി​യി​ല്‍ കു​ടു​ങ്ങി​യ തൊ​ഴി​ലാ​ളി​ക​ളി​ല്‍ ഒ​രാ​ളു​ടെ മൃ​ത​ദേ​ഹം പു​റ​ത്തെ​ടു​ത്തു. അ​പ​ക​ടം ന​ട​ന്ന് 42 ദി​വ​സ​ത്തി​നു ശേ​ഷ​മാ​ണ് 15 തൊ​ഴി​ലാ​ളി​ക​ളി​ല്‍ ഒ​രാ​ളു​ടെ മൃ​ത​ദേ​ഹം ഇ​ന്ത്യ​ന്‍ നാ​വി​ക സേ​ന പു​റ​ത്തെ​ത്തി​ച്ച​ത്. ഖ​നി​യു​ടെ 370 അ​ടി താ​ഴ്ച​യി​ല്‍ അ​ഴു​കി​യ നി​ല​യി​ലാ​യി​രു​ന്നു മൃ​ത​ദേ​ഹം കണ്ടെത്തിയത്. പു​റ​ത്തെ​ടു​ത്ത മൃ​ത​ദേ​ഹം പോ​സ്റ്റ്മോ​ര്‍​ട്ട​ത്തി​നു അ​യ​ച്ചു.

അ​ഴു​കി ഛിന്ന​ഭി​ന്ന​മാ​യ നി​ല​യി​ലു​ള്ള മൃ​ത​ദേ​ഹം ക​ഴി​ഞ്ഞ ആ​ഴ്ച​യാ​ണ് ക​ണ്ടെ​ത്താ​നാ​യ​ത്. ബു​ധ​നാ​ഴ്ച ഖ​നി​യു​ടെ പു​റം​വാ​തി​ല്‍​വ​രെ മൃ​ത​ദേ​ഹം എ​ത്തി​ച്ചെ​ങ്കി​ലും വ​ഴു​തി വീ​ണ്ടും താ​ഴ്ച​യി​ലേ​ക്കു വീ​ണു. ഖ​നി​യു​ടെ 100 അ​ടി താ​ഴ്ച​യി​ലാ​ണ് വ്യാ​ഴാ​ഴ്ച മൃ​ത​ദേ​ഹം കാ​ണ​പ്പെ​ട്ട​ത്. വെ​ള്ള​ത്തി​നു മു​ക​ളി​ല്‍ പൊ​ങ്ങി​ക്കി​ട​ന്ന മൃ​ത​ദേ​ഹം ക്രെ​യി​ന്‍ ഉ​പ​യോ​ഗി​ച്ച്‌ ഉ​യ​ര്‍​ത്തി എ​ടു​ക്കു​ക‍​യാ​യി​രു​ന്നു.

ഖ​നി​യി​ല്‍ അ​ക​പ്പെ​ട്ട എ​ല്ലാ​വ​രു​ടേ​യും മൃ​ത​ദേ​ഹം പു​റ​ത്തെ​ടു​ക്ക​ണ​മെ​ന്ന് തൊ​ഴി​ലാ​ളി​ക​ളു​ടെ ബ​ന്ധു​ക്ക​ള്‍ നാ​വി​ക സേ​ന​യോ​ട് ആ​വ​ശ്യ​പ്പെ​ട്ടി​രു​ന്നു. മ​രി​ച്ച​വ​രു​ടെ അ​ന്ത്യ ശു​ശ്രൂ​ഷ നി​ര്‍​വ​ഹി​ക്കാ​ന്‍ മൃ​ത​ദേ​ഹം പു​റ​ത്തെ​ടു​ത്ത് ത​ര​ണ​മെ​ന്നാ​യി​രു​ന്നു ബ​ന്ധു​ക്ക​ളു​ടെ ആ​വ​ശ്യം. ഇ​തേ തു​ട​ര്‍​ന്നാ​ണ് ആ​രും ജീ​വ​നോ​ടെ ഉ​ണ്ടാ​വാ​ന്‍ സാ​ധ്യ​ത ഇ​ല്ലാ​തി​രു​ന്നി​ട്ടും നാ​വി​ക സേ​ന പ്ര​വ​ര്‍​ത്ത​നം തു​ട​ര്‍​ന്ന​ത്.

2018 ഡി​സം​ബ​ര്‍ 13 ന് ​കി​ഴ​ക്ക​ന്‍ ജ​യ്ന്‍​തി​യ കു​ന്നി​ലെ അ​ന​ധി​കൃ​ത ഖ​നി​യി​ലാ​യി​രു​ന്നു അ​പ​ക​ടം. എ​ലി​മ​ട​ക​ള്‍ എ​ന്ന​റി​യ​പ്പെ​ടു​ന്ന തു​ര​ങ്ക​ങ്ങ​ളാ​ല്‍ ബ​ന്ധി​ത​മാ​യ ഖ​നി​യി​ലാ​ണ് തൊ​ഴി​ലാ​ളി​ക​ള്‍ കു​ടു​ങ്ങി​യ​ത്. 250 അ​ടി വി​സ്താ​ര​മു​ള്ള ഖ​നി​യി​ല്‍ 70 അ​ടി​യോ​ളം ജ​ല​നി​ര​പ്പു​ണ്ട്. ഇ​ന്ത്യ​ന്‍ നാ​വി​ക​സേ​ന​യും ദേ​ശീ​യ ദു​ര​ന്ത പ്ര​തി​ക​ര​ണ സേ​ന​യും സം​യു​ക്ത​മാ​യാ​ണ് തി​ര​ച്ചി​ല്‍ ന​ട​ത്തി​വ​രു​ന്ന​ത്. അ​പ​ക​ടം ന​ട​ന്ന് 12 ദി​വ​സ​ത്തി​നു ശേ​ഷ​മാ​ണ് സം​യു​ക്ത ര​ക്ഷാ​പ്ര​വ​ര്‍​ത്ത​നം ആ​രം​ഭി​ച്ച​ത്.