സ്ത്രീസുരക്ഷയ്ക്കായി രാഷ്ട്രീയ പാര്ട്ടികള് അഭ്യന്തര പരാതിപരിഹാര സെല് രൂപീകരിക്കണമെന്ന കേന്ദ്ര വനിതാ ശിശുക്ഷേമ മന്ത്രി മേനക ഗാന്ധിയുടെ ഉത്തരവിന് അവരുടെ പാര്ട്ടിയായ ബി.ജെ.പിയും കോണ്ഗ്രസും പുല്ലുവില കല്പ്പിച്ചു
സ്ത്രീസുരക്ഷയ്ക്കായി രാഷ്ട്രീയ പാര്ട്ടികള് അഭ്യന്തര പരാതിപരിഹാര സെല് രൂപീകരിക്കണമെന്ന കേന്ദ്ര വനിതാ ശിശുക്ഷേമ മന്ത്രി മേനക ഗാന്ധിയുടെ ഉത്തരവിന് അവരുടെ പാര്ട്ടിയായ ബി.ജെ.പിയും കോണ്ഗ്രസും പുല്ലുവില കല്പ്പിച്ചപ്പോള് സി.പി.എം സെല് രൂപീകരിച്ച കാര്യം വ്യക്തമാക്കി കത്തുമയച്ചു. സ്വന്തം പാര്ട്ടിക്കാരുടെ ഉള്പ്പെടെ നിലപാടില് മേനകാഗാന്ധി കലിപ്പിലാണ്. തൊഴിലിടങ്ങളില് സ്ത്രീസംരക്ഷണം ഉറപ്പാക്കാനാണ് സെല് രൂപീകരിക്കണമെന്ന് മേനകാ ഗാന്ധി ആവശ്യപ്പെട്ടത്. കഴിഞ്ഞ ഒക്ടോബറിലാണ് ഇത് സംബന്ധിച്ച കത്ത് എല്ലാ പാര്ട്ടികള്്ക്കും അയച്ചത്. സുപ്രീംകോടതി നിര്ദ്ദേശപ്രകാരമാണ് മേനകാ ഗാന്ധി കത്തയച്ചത്. ലിംഗസമത്വവും ലിംഗനാതിയും ഉയര്ത്തിപ്പിടിക്കുന്നതിനാലാണ് സെല് രൂപീകരിച്ചതെന്ന് സി.പി.എം നേതാക്കള് പറയുന്നു.
1997ലെ വൈശാഖ കേസിലാണ് സുപ്രീംകോടതി ജസ്റ്റിസ് ജെ എസ് വര്മ അധ്യക്ഷനായ ബെഞ്ച് രാജ്യത്ത് രാഷ്ട്രീയ പാര്ട്ടികളിലടക്കം സ്ത്രീകള് പ്രവര്ത്തിക്കുന്ന എല്ലാ സ്ഥാപനങ്ങളിലും സ്ത്രീസുരക്ഷ്ക്കായി പരാതി പരിഹാര സെല് രൂപീകരിക്കണമെന്ന് ഉത്തരവിട്ടത്. 2013 ല് പാര്ലമെന്റില് നിയമം പാസാക്കുകയും ചെയ്തു. കോണ്ഗ്രസ് അധികാരത്തിലിരിക്കുമ്പോഴായിരുന്നു അത്. എന്നിട്ടും അവരുടെ പാര്ട്ടി അത് നടപ്പാക്കാത്തതിനെതിരെ വ്യാപകപ്രതിഷേധം ഉയര്ന്നിട്ടുണ്ട്. പാര്ട്ടിക്ക് പുറത്തുള്ള ഒരു അംഗത്തെയടക്കം ഉള്പ്പെടുത്തിയാണ് കമ്മറ്റി രൂപീകരിക്കേണ്ടത്. അതാണ് ബി.ജെ.പിയേയും കോണ്ഗ്രസിനേയും കുഴയ്ക്കുന്നത്.
പരാതിയില് നടപടി സ്വീകരിക്കണം. എല്ലാ പരാതികളുടെയും വിവരങ്ങള് അതാത് പാര്ട്ടികളുടെ ഔദ്യോഗിക വെബ്സൈറ്റില് പ്രസിദ്ധീകരിക്കണമെന്നാണ് നിയമത്തിലെ വ്യവസ്ഥ. തൊഴിലിടങ്ങളിലടക്കം സ്ത്രീകള്ക്കെതിരായ അതിക്രമങ്ങള് വര്ദ്ധിച്ചുവരുന്ന സാഹചര്യത്തിലായിരുന്നു തീരുമാനം. നിയമം നടപ്പാക്കണമെന്ന് പറഞ്ഞ് രാജ്യത്തെ ഏഴ് ദേശീയ പാര്ടികള്ക്കും 59 പ്രാദേശിക പാര്ട്ടികള്ക്കും മേനക ഗാന്ധി ഒക്ടോബറില് കത്തയച്ചു. അഞ്ച് വര്ഷങ്ങള്ക്ക് ശേഷം ഈ നിയമം നടപ്പാക്കാന് എന്തു നടപടി സ്വീകരിച്ചെന്ന് ചോദിച്ച് മേനകാ ഗാന്ധി ബിജെപിയും കോണ്ഗ്രസും ഉള്പ്പെടെയുള്ള പ്രധാനപ്പെട്ട പാര്ട്ടികള്ക്ക് കത്തയച്ചു. സിപിഐ എം ഒഴികെയുള്ള പാര്ട്ടികളെല്ലാം കത്തിന് മറുപടി പോലും നല്കിയില്ല.
സിനിമയിലും രാഷ്ട്രീയത്തിലും പത്രപ്രവര്ത്തനത്തിലും അടക്കം മീടൂ വെളിപ്പെടുത്തല് ശക്തായ സാഹചര്യത്തിലാണ് മേനകാ ഗാന്ധി വീണ്ടും കത്തയച്ചത്. തന്റെ നിര്ദ്ദേശം അനുസരിക്കാത്ത പാര്ട്ടികള് ഉടനടി നടപടികള് സ്വീകരിക്കണമെന്നും മേനകാ ഗാന്ധി കത്തില് ആവശ്യപ്പെടുന്നു. മീ ടു വെളിപ്പെടുത്തലിനെ തുടര്ന്ന് കേന്ദ്രമന്ത്രിയായിരുന്ന എം.ജെ അക്ബര് രാജിവെച്ചിരുന്നു. അത് പോലെ കേരളത്തില് സി.പി.എമ്മിലെയും കോണ്ഗ്രസിലെയും നേതാക്കള്ക്കെതിരെ ലൈംഗിക അതിക്രമ പരാതികള് ഉയര്ന്നിരുന്നു. അതില് പി.കെ ശശി എം.എല്.എയ്ക്കെതിരെ സി.പി.എം നടപടി എടുത്തിരുന്നു. എന്നാല് യൂത്ത് കോണ്ഗ്രസ് നേതാവിനെതിരെ തൃശൂര് സ്വദേശിയായ കെ.എസ്.യുക്കാരി നല്കിയ പരാതിയില് കോണ്ഗ്രസ് നടപടി എടുത്തിരുന്നില്ല.
https://www.facebook.com/Malayalivartha
