കശ്മീരിലെ ഭീകരാക്രമണത്തിന് പിന്നാലെ ജമ്മു മേഖലയില് പ്രതിഷേധവുമായി ആയിരങ്ങള് തെരുവിലേക്ക്... ഭീകരാക്രമണത്തിനെതിരായ പ്രതിഷേധം പലയിടത്തും അക്രമാസക്തമായി
കശ്മീരിലെ ഭീകരാക്രമണത്തിന് പിന്നാലെ ജമ്മു മേഖലയില് പ്രതിഷേധവുമായി ആയിരങ്ങള് തെരുവിലിറങ്ങി. ഭീകരാക്രമണത്തിനെതിരായ പ്രതിഷേധം പലയിടത്തും അക്രമാസക്തമായി. ജമ്മു നഗരത്തിലെ ഗുജ്ജര് നഗറിലടക്കം വാഹനങ്ങള്ക്ക് നേരെയും മറ്റും വലിയ തോതിലുള്ള ആക്രമണമാണുണ്ടായത്. ദേശീയപതാകയുമേന്തി പ്രകടനം നടത്തിയ പ്രതിഷേധക്കാര് എംഇഎസ് ആസ്ഥാനത്തിന് നേര്ക്ക് കല്ലെറിഞ്ഞു. പാക്കിസ്ഥാന് മൂര്ദാബാദ് വിളികളോടെ നീങ്ങിയ പ്രതിഷേധക്കാര്ക്കുനേരേ നഗരത്തിലെ ചില കേന്ദ്രങ്ങളില് നിന്ന് പാക് അനുകൂല മുദ്രാവാക്യങ്ങളുമുണ്ടായത് സ്ഥിതിഗതികള് രൂക്ഷമാക്കി.
ജമ്മുവില് കര്ഫ്യൂ പ്രഖ്യാപിച്ചിട്ടുണ്ട്. ജമ്മുവിലെ ജൂവല് ചൗക്ക്, പുനാരി മണ്ടി, കുന്വാനി, രെഹരി, ജാനിപൂര്, ഗാന്ധി നഗര്, ബക്ഷി നഗര്, മുത്തി, തലാബ് തില്ലൂ, സത്വാരി എന്നീ മേഖലകളിലും പാക്കിസ്ഥാനും ഭീകരവാദികള്ക്കുമെതിരെ രൂക്ഷമായ പ്രതിഷേധമുണ്ടായി. ജമ്മു ബാര് അസോസിയേഷന്റെ നേതൃത്വത്തില് കോടതികള് ബഹിഷ്കരിച്ച് ആയിരക്കണക്കിന് അഭിഭാഷകര് തെരുവിലിറങ്ങി. വിശ്വഹിന്ദു പരിഷത്തും കശ്മീരി പണ്ഡിറ്റ് അസോസിയേഷനുകളും മൈഗ്രന്റ് കോര്ഡിനേഷന് കമ്മറ്റിയും പ്രതിഷേധങ്ങള് സംഘടിപ്പിച്ചു.
"
https://www.facebook.com/Malayalivartha
