എല്ലാ പാര്‍ട്ടികളും ഒരേ സ്വരത്തോടെ ഒറ്റക്കെട്ടായി സര്‍ക്കാരിനും സേനയ്ക്കും പൂര്‍ണ്ണ പിന്തുണ ലഭിച്ചതായി സുഷമാ സ്വരാജ്
ബലാക്കോട്ടിലെ ജെയ്‌ഷെ കേന്ദ്രങ്ങളില്‍ ഇന്ത്യന്‍ വ്യോമസേന നടത്തിയ ആക്രമണത്തിന് പ്രതിപക്ഷ പാര്‍ട്ടികളുടെ പൂര്‍ണ്ണ പിന്തുണ ലഭിച്ചതായി വിദേശകാര്യ മന്ത്രി സുഷമാ സ്വരാജ്.
എല്ലാ പാര്‍ട്ടികളും ഒരേ സ്വരത്തോടെ ഒറ്റക്കെട്ടായി സര്‍ക്കാരിനും സേനയ്ക്കും പിന്തുണ നല്‍കിയതായും സുഷമ സ്വരാജ് പറഞ്ഞു. പാക് ഭീകര കേന്ദ്രങ്ങളില്‍ വ്യോമസേന നടത്തിയ ആക്രമണം സംബന്ധിച്ച് പ്രതിപക്ഷ പാര്‍ട്ടികളോട് വിശദീകരിക്കാന്‍ വിളിച്ചുകൂട്ടിയ സര്‍വ്വകക്ഷി യോഗത്തിന് ശേഷം സംസാരിക്കുകയായിരുന്നു സുഷമാ സ്വരാജ്.
ഒരു യുദ്ധം തുടങ്ങിവെക്കാന്‍ നടത്തിയ നീക്കമല്ലെന്ന് സര്‍ക്കാര്‍ യോഗത്തില്‍ പ്രതിപക്ഷ കക്ഷികളോട് സുഷമാ സ്വരാജ് പറഞ്ഞു. പാക് സര്‍ക്കാര്‍ ജെയ്‌ഷെ മുഹമ്മദിനെതിരെ നടപടിയെടുത്തിരുന്നെങ്കില്‍ നമ്മള്‍ തിരിച്ചടിക്കില്ലായിരുന്നു. പക്ഷെ ജെയ്‌ഷെ മുഹമ്മദ് കൂടുതല്‍ ചിറക് വിടര്‍ത്താനാണ് ശ്രമിച്ചത്. സി.ആര്‍.പി.എഫ് ജവാന്മാര്‍ ആക്രമിക്കപ്പെട്ടപ്പോഴും പാക് സര്‍ക്കാര്‍ മിണ്ടാതിരുന്നു.
https://www.facebook.com/Malayalivartha
