അമിത് ഷായുടെ 250 ഏകദേശ കണക്ക് ന്യായീകരിച്ച് കേന്ദ്രമന്ത്രിയും. ബാലാക്കോട്ട് ആക്രമണത്തില്‍ 250 പേര്‍ കൊല്ലപ്പെട്ടെന്ന് അമിത് ഷാ പറഞ്ഞത് ഏകദേശ കണക്കെന്ന് കേന്ദ്രമന്ത്രി വി.കെ സിങ്. ജനവാസമേഖല ഒഴിവാക്കി കൃത്യമായ ഒരു ലക്ഷ്യത്തിലാണ് ആക്രമണം നടന്നത്. ആക്രമണസമയത്ത് സ്ഥലത്തുണ്ടായിരുന്ന ആളുകളുടെ കണക്കിനെ അടിസ്ഥാനമാക്കിയാകും അമിത് ഷാ പ്രതികരിച്ചതെന്നും വി.കെ സിങ് പറഞ്ഞു.

ബലാകോട്ടില്‍ ഇന്ത്യ നടത്തിയ ആക്രമണത്തില്‍ 250 ജെയ്‌ഷെ ഭീകരര്‍ കൊല്ലപ്പെട്ടെന്ന ബിജെപി ദേശീയ അധ്യക്ഷന്‍ അമിത് ഷായുടെ പ്രസംഗത്തെ ന്യായീകരിച്ചുകൊണ്ടാണ് കേന്ദ്രമന്ത്രിയുടെ പുതിയ പ്രസ്താവന. കണക്കിന്റെ ആധികാരികത ചോദ്യം ചെയ്ത് കോണ്‍ഗ്രസ് രംഗത്തെത്തിയത് രാഷ്ട്രീയ വിവാദങ്ങള്‍ക്ക് വഴിവെച്ചിരുന്നു. ആക്രമണം നടന്ന് 18 ദിവസത്തിനിടെ കൊല്ലപ്പെട്ടവരുടെ എണ്ണം ബിജെപി ഔദ്യോഗികമായി പറയുന്നത് അമിതാ ഷായിലൂടെയായിരുന്നു. മാത്രമല്ല ആ മിസൈല്‍ ഞങ്ങളുടേതല്ല. പാക് നുണ പൊളിച്ച് തായ്‌വാന്‍ വ്യോമസേന. ഇന്ത്യന്‍ സൈനിക കേന്ദ്രങ്ങള്‍ ആക്രമിക്കാന്‍ പാക്കിസ്ഥാന്‍ എഫ്16 പോര്‍വിമാനങ്ങള്‍ ഉപയോഗിച്ചുവെന്നതിനു തെളിവായി ഇന്ത്യ ഹാജരാക്കിയ മിസൈല്‍ തായ്‌വാന്റെതാണെന്ന പാക് മാധ്യമങ്ങളുടെ റിപ്പോര്‍ട്ട് തള്ളി തായ് വ്യോമസേന.

ഇന്ത്യ ഹാജരാക്കിയ മിസൈല്‍ ഭാഗങ്ങളിലെ തിരിച്ചറിയല്‍ നമ്പരും തങ്ങളുടെ പക്കലുള്ള മിസൈല്‍ നമ്പരും ചേരുന്നതല്ലെന്ന് തായ്‌വാന്‍ സേന അറിയിച്ചു. അമേരിക്കന്‍ നിര്‍മിത മിസൈലുകള്‍ ഇന്ത്യക്കു നല്‍കിയിട്ടില്ലെന്നും തായ്‌വാന്‍ വ്യക്തമാക്കി. ഇന്ത്യക്കെതിരെ എഫ് 16 ഉപയോഗിച്ചിട്ടില്ലെന്ന നിലപാടില്‍ ഉറച്ചുനില്‍ക്കുകയാണ് പാക്കിസ്ഥാന്‍. ഭീകരതയ്‌ക്കെതിരായ പോരാട്ടങ്ങള്‍ക്കായി പാക്കിസ്ഥാനു നല്‍കിയ എഫ്16 വിമാനങ്ങള്‍ ഇന്ത്യക്കെതിരെ ഉപയോഗിച്ചതു സംബന്ധിച്ച് അമേരിക്ക അന്വേഷണം ആരംഭിച്ചു കഴിഞ്ഞു. ഈ സാഹചര്യത്തിലാണ് മിസൈല്‍ തായ്‌വാന്റെതാണെന്ന തരത്തില്‍ പാക്ക് മാധ്യമങ്ങള്‍ പ്രചാരണം നടത്തുന്നത്. അതേസമയം തെളിവായി ഇന്ത്യ ഹാജരാക്കിയ ആംറാം മിസൈല്‍ പാക്കിസ്ഥാന്റെ എഫ്16 യുദ്ധവിമാനങ്ങളില്‍ മാത്രമാണ് ഉപയോഗിക്കുന്നതെന്നും റിപ്പോര്‍ട്ടുണ്ട്. അമേരിക്കയുമായി ഉണ്ടാക്കിയ കരാര്‍ പാക്കിസ്ഥാന്‍ ലംഘിച്ചുവെന്നു തെളിഞ്ഞാല്‍ തുടര്‍ന്നുള്ള ഇടപാടുകളില്‍ അത് ഏറെ ഗുരുതരമായ പ്രത്യാഘാതങ്ങള്‍ക്ക് ഇടയാക്കും.