പ്രമുഖ വ്യവസായിയും റിലയൻസ് ഇൻഡസ്ട്രീസ് ചെയർമാനുമായ മുകേഷ് അംബാനിയുടെ മകൻ ആകാശ് അംബാനിയുടെ അഞ്ചു ദിവസം നീണ്ടു നിക്കുന്ന വിവാഹാഘോഷങ്ങൾക്ക് തുടക്കമായി. റോസി ബ്ലൂ ഡയമണ്ട്സ് ഉടമ റസൽ മേത്തയുടെ മകൾ ശ്ലോക മേത്തയാണ് വധു. മുംബൈയിലെ ജിയോ വേള്‍ഡ് സെന്ററില്‍ വച്ച് ശനിയാഴ്ചയായിരുന്നു വിവാഹം. ചടങ്ങില്‍ ഇന്ത്യയിലെയും വിദേശത്തെയും രാഷ്ട്രീയ-വ്യവസായ-ചലച്ചിത്ര രംഗത്തെ നിരവധി പ്രമുഖര്‍ പങ്കെടുത്തു

വിശിഷ്ടാതിഥികളുടെ കൂട്ടത്തിൽ ഏറ്റവും പ്രമുഖരായവർ മുൻ ബ്രിട്ടീഷ് പ്രധാനമന്ത്രി ടോണി ബ്ലെയർ, ഭാര്യ ഷെറി ബ്ലേയര്‍, ഐക്യരാഷ്ട്ര സംഘടനയുടെ മുൻ സെക്രട്ടറി ജനറൽ ബാൻ കി മൂൺ, ഭാര്യ യോ സൂണ്‍ ടെയ്ക് എന്നിവരാണ്

. ഇവരെ കൂടാതെ സൂപ്പർ സ്റ്റാർ രജനികാന്ത്, മകൾ സൗന്ദര്യയും ഭർത്താവ് വിശാഖന്‍ വണങ്കാമുടി, ബോളിവുഡ് താരങ്ങളായ അമിതാബ് ബച്ചൻ, ഭാര്യ ജയാ ബച്ചൻ, മകൾ ശ്വേത ബച്ചൻ, താര ദമ്പതികളായ ഐശ്വര്യ റായ്- അഭിഷേക് ബച്ചൻ, മകൾ‌ ആരാധ്യ ബച്ചൻ, ആമിർ ഖാൻ, ഷാരൂഖ് ഖാൻ, ഭാര്യ ​ഗൗരി ഖാൻ, കരീന കപൂർ, കരിഷ്മ കപൂർ, കിയാര അദ്വാനി, രൺബീർ കപൂർ, ആലിയ ഭട്ട്, ജാൻവി കപൂർ, ദിശ പട്ടാനി, ഫറ് ഖാൻ, കരൺ ജോഹർ, രവീണ ടണ്ടൻ, വിദ്യാ ബാലൻ, പ്രിയങ്ക ചോപ്ര, ജാക്കി ഷ്‌റോഫ്, ജൂഹി ചൗള തുടങ്ങി നിരവധി ചലച്ചിത്രതാരങ്ങളും ചടങ്ങുകളില്‍ പങ്കെടുക്കാൻ എത്തി

ക്രിക്കറ്റ് താരങ്ങളായ സച്ചിന്‍ ടെൻഡുൽക്കർ, ഭാര്യ അഞ്ജലി തെണ്ടുല്‍ക്കര്‍, സഹീർ ഖാൻ, ഭാര്യ സാര​ഗിക ഘട്ടേ, യുവരാജ് സിം​ഗ്, മഹേല ജയവർധന, ഹർദ്ദിക് പാണ്ഡ്യ, ഷെയ്ൻ ബോണ്ട് എന്നിവരും വിവാഹത്തിൽ പങ്കെടുത്തു. ​

ഗൂ​ഗിൾ സിഇഒ സുന്ദർ പിച്ചൈയുടേയും ഭാര്യയുടേയും സാന്നിധ്യം ശ്രദ്ധേയമായി. മുകേഷ് അംബാനിയുടെ പിതാവ് ധിരു ഭായ് അംബാനിക്കും, നിത അംബാനിയുടെ പിതാവ് രവീന്ദ്രഭായ് ദലാലിനും ആദരവ് അർപ്പിച്ചുകൊണ്ടാണ് വിവാഹ ചടങ്ങുകൾക്ക് തുടക്കമായത്. അഞ്ച് ദിവസത്തോളം നീണ്ട് നില്‍ക്കുന്ന ചടങ്ങുകളോടെയാകും വിവാഹം പൂര്‍ണമാകുക.

ആകാശിന്റെ പ്രീവെഡിങ് ആഘോഷങ്ങള്‍ നടന്നത് സ്വിറ്റ്സർലൻഡിലും മുംബൈയിലെ ആഡംബര വസതിയായ ആന്‍റിലയിലും വെച്ചായിരുന്നു . അംബാനിയുടെ ആഡംബര വസതിയായ ആന്റില ഹാരി പോട്ടർ സിനിമകളിലെ തീം അനുസരിച്ചു ഒരുക്കിയിരുന്നു സമൂഹ മാധ്യമങ്ങളിൽ വാർത്തയായിരുന്നു .
ധീരുഭായ് അംബാനി ഇന്റർനാഷനൽ സ്കൂളിൽ ഒരുമിച്ച് പഠിക്കുമ്പോഴാണ് ശ്ലോക മേത്തയും ആകാശും പ്രണയത്തിലാകുന്നത്. റസൽ മേത്തയുടെയും മോണയുടെയും മൂന്നു മക്കളിൽ ഇളയവളാണ് ശ്ലോക. ലണ്ടൻ സ്കൂൾ ഓഫ് ഇക്കണോമിക്സിൽ നിന്ന് നിയമത്തിൽ ബിരുദാനന്തര ബിരുദം നേടിയ ശ്ലോക റോസി ബ്ലൂ ഫൗണ്ടേഷന്റെ ഡയറക്ടർമാരിലൊരാണ്.