കോണ്‍​ഗ്രസ് അധ്യക്ഷന്‍ രാഹുല്‍ ​ഗാന്ധിക്കെതിരെ വിവാദ പരാമര്‍ശവുമായി കേന്ദ്രമന്ത്രിയും ബിജെപി നേതാവുമായ അനന്ത് കുമാര്‍ ഹെഗ്‌ഡെ. മുസ്ലീം ആയ പിതാവിനും ക്രിസ്ത്യാനിയായ മാതാവിനും പിറന്ന മകന്‍ എങ്ങനെ ബ്രാഹ്മണനാകുമെന്ന് ഹെഗ്‌ഡെ ചോദ്യമുന്നയിച്ചു. ബാം​ഗ്ലൂരില്‍ പാര്‍ട്ടി പ്രവര്‍ത്തകരോട് സംസാരിക്കുകയായിരുന്നു അദ്ദേഹം.

പുല്‍വാമ ഭീകരാക്രമണത്തിന് ശേഷം നടത്തിയ വ്യോമാക്രമണത്തിന്റെ തെളിവ് രാഹുല്‍ ​ഗാന്ധി ആവശ്യപ്പെട്ടിരുന്നു. ഇതിനു പിന്നാലെയാണ് രാഹുലിനെതിരെ ആരോപണവുമായി കേന്ദ്രമന്ത്രി രം​ഗത്തെത്തിയത്.

'സര്‍ജിക്കല്‍ സ്ട്രൈക്കിന് തെളിവ് എവിടെയാണെന്നാണ് ഇവര്‍ ചോദിക്കുന്നത്. ലോകം മുഴുവന്‍ ഇത് അംഗീകരിക്കുമ്ബോഴാണ് ചോദ്യം. പൂണൂല്‍ ധാരിയായ ഹിന്ദുവെന്ന് സ്വയം വിളിക്കുന്ന മുസ്ലിം ആണ് ഈ ചോദ്യം ചോദിക്കുന്നത്. മുസ്ലീം ആയ പിതാവിനും ക്രിസ്ത്യാനിയായ മാതാവിനും പിറന്ന മകനാണ് രാഹുല്‍ ​ഗാന്ധി. അദ്ദേഹം ഹിന്ദുവാണെന്നതിന് എന്താണ് തെളിവ്?'- അനന്ത് ഹെഗ്‌ഡെ ചോദിച്ചു.