ലോക്സഭാ തിരഞ്ഞെടുപ്പിന്റെ രണ്ടാംഘട്ടവിധിയെഴുത്ത് വ്യാഴാഴ്ച നടക്കും, 13 സംസ്ഥാനങ്ങളിലെ 97 മണ്ഡലങ്ങളിലാണ് വോട്ടെടുപ്പ്, ഇവിടെ പരസ്യപ്രചാരണം ചൊവ്വാഴ്ച സമാപിക്കും
ലോക്സഭാ തിരഞ്ഞെടുപ്പിന്റെ രണ്ടാംഘട്ടവിധിയെഴുത്ത് വ്യാഴാഴ്ച നടക്കും. 13 സംസ്ഥാനങ്ങളിലെ 97 മണ്ഡലങ്ങളിലാണ് വോട്ടെടുപ്പ്. ഇവിടെ പരസ്യപ്രചാരണം ചൊവ്വാഴ്ച സമാപിക്കും. രണ്ടാംഘട്ടത്തില് ഏറ്റവും കൂടുതല് മണ്ഡലങ്ങളുള്ളത് തമിഴ്നാട്ടിലാണ്39 എണ്ണം. കര്ണാടകത്തിലെ 14 മണ്ഡലങ്ങളിലും ഉത്തര്പ്രദേശില് എട്ടിടത്തും വിധിയെഴുത്ത് നടക്കും. മഹാരാഷ്ട്ര: 10, അസം: 5, ബിഹാര്: 5, ഛത്തീസ്ഗഢ്: 3, ജമ്മുകശ്മീര്: 2, മണിപ്പുര്: 1, ഒഡിഷ: 5, ത്രിപുര: 1, ബംഗാള്: 3, പുതുച്ചേരി: 1 എന്നിങ്ങനെയാണ് വോട്ടെടുപ്പ് നടക്കുന്ന മറ്റ് മണ്ഡലങ്ങള്.
തമിഴ്നാട്ടില് ഒറ്റഘട്ടം വോട്ടെടുപ്പാണ് നടക്കുന്നതെങ്കില് ഏഴ് ഘട്ടങ്ങളാണ് ഉത്തര്പ്രദേശിലും ബിഹാറിലുമുള്ളത്. കര്ണാടകത്തില് രണ്ട് ഘട്ടമായാണ് ജനവിധി. പ്രധാനമന്ത്രി നരേന്ദ്രമോദി, ബി.ജെ.പി. ദേശീയ അധ്യക്ഷന് അമിത് ഷാ, കോണ്ഗ്രസ് അധ്യക്ഷന് രാഹുല് ഗാന്ധി, പ്രിയങ്കാഗാന്ധി, ബി.എസ്.പി. നേതാവ് മായാവതി തുടങ്ങിയവര് രണ്ടാംഘട്ടം വോട്ടെടുപ്പ് നടക്കുന്ന മണ്ഡലങ്ങളില് സജീവപ്രചാരണത്തിന് ഇറങ്ങി.
ഈമാസം 23നാണ് കേരളത്തിലെ 20 മണ്ഡലങ്ങള് ഉള്പ്പെടെ വിവിധ സംസ്ഥാനങ്ങളിലെ 115 മണ്ഡലങ്ങളില് വോട്ടെടുപ്പ്. ഏഴുഘട്ട തിരഞ്ഞെടുപ്പില് ഏറ്റവും കൂടുതല് മണ്ഡലങ്ങളില് വോട്ടെടുപ്പ് മൂന്നാം ഘട്ടത്തിലാണ്.
https://www.facebook.com/Malayalivartha