പാർട്ടി അനുയായികൾ സ്ഥാനാർഥികൾക്ക് ചെയ്ത വോട്ടുകളൊന്നും കാണാനില്ല; ഏറെ വോട്ടുകളുള്ള ചില സ്ഥലങ്ങളിൽ ഒറ്റ വോട്ടുകൾ പോലും പാർട്ടിക്ക് ലഭിച്ചിട്ടില്ല; ഗുരുതര ആരോപണവുമായി അമ്മ മക്കൾ മുന്നേറ്റ കഴകം നേതാവ് ടി.ടി.വി.ദിനകരൻ
ലോക്സഭാ തെരഞ്ഞെടുപ്പിലെ ഫലപ്രഖ്യാപനത്തിനു പിന്നാലെ വോട്ടെടുപ്പിൽ തിരിമറി നടന്നിട്ടുണ്ടെന്ന് ആരോപിച്ച് അമ്മ മക്കൾ മുന്നേറ്റ കഴകം നേതാവ് ടി.ടി.വി.ദിനകരൻ രംഗത്തെത്തിയിരിക്കുകയാണ്. തങ്ങളുടെ അനുയായികളിൽ ഏറെപ്പേർ പാർട്ടി സ്ഥാനാർഥികൾക്ക് ചെയ്ത വോട്ടുകളൊന്നും കൃത്യമായല്ല രേഖപ്പെടുത്തപ്പെട്ടതെന്ന് ദിനകരൻ ആരോപിച്ചു.
ഈ വോട്ടുകളൊക്കെ എവിടെപ്പോയെന്ന് ദിനകരൻ ചോദിച്ചു. ഇതിന് തെരഞ്ഞെടുപ്പ് കമ്മീഷൻ ഉത്തരം പറയണമെന്നും അദ്ദേഹം ആവശ്യപ്പെട്ടു. തങ്ങൾക്ക് ഏറെ വോട്ടുകളുള്ള ചില സ്ഥലങ്ങളിൽ ഒറ്റ വോട്ടുകൾ പോലും പാർട്ടിക്ക് ലഭിച്ചിട്ടില്ല. അതെങ്ങനെ സാധ്യമാകും?- അദ്ദേഹം ചോദിച്ചു. ഇതുമായി ബന്ധപ്പെട്ട് തെളിവുകളൊന്നും ഇപ്പോൾ തങ്ങളുടെ പക്കലില്ലെന്നും അതിനാൽ തന്നെ കോടതിയ സമീപിക്കാനാവില്ലെന്നും അദ്ദേഹം പറഞ്ഞു. എന്നാൽ, തെളിവുകൾ ശേഖരിച്ച ശേഷം ഇതുമായി ബന്ധപ്പെട്ട മറ്റു നടപടികളിലേക്ക് പാർട്ടി കടക്കുമെന്നും ദിനകരൻ മാധ്യമങ്ങളോട് വ്യക്തമാക്കി.
https://www.facebook.com/Malayalivartha