ജമ്മു കാശ്മീരിലെ കഠുവയില്‍ എട്ടുവയസുകാരിയെ തട്ടിക്കൊണ്ടുപോയി കൂട്ടമാനഭംഗത്തിനിരയാക്കി കൊലപ്പെടുത്തിയ കേസില്‍ വിധി ഇന്ന് പറയും
ജമ്മു കാശ്മീരിലെ കഠുവയില്‍ എട്ടുവയസുകാരിയെ തട്ടിക്കൊണ്ടുപോയി കൂട്ടമാനഭംഗത്തിനിരയാക്കി കൊലപ്പെടുത്തിയ കേസില്‍ ഇന്ന് വിധി പറയും. കേസിലെ രഹസ്യവിചാരണ ജൂണ്‍ മൂന്നിന് അവസാനിച്ചിരുന്നു. വിധി പറയുന്ന പത്താന്‍കോട്ടെ പ്രത്യേക കോടതിയില്‍ സുരക്ഷാസംവിധാനങ്ങള്‍ ശക്തമാക്കി.
ജമ്മു കാഷ്മീരില്‍നിന്ന് കേസ് മാറ്റണമെന്നു സുപ്രീംകോടതി നിര്‍ദേശിച്ചതു പ്രകാരം കഴിഞ്ഞവര്‍ഷം ജൂണില്‍ പത്താന്‍കോട്ടെ ജില്ലാ സെഷന്‍സ് കോടതിയില്‍ കേസിന്റെ വിചാരണ തുടങ്ങി. കേസില്‍ കുറ്റപത്രം സമര്‍പ്പിക്കാന്‍ ശ്രമിച്ച െ്രെകംബ്രാഞ്ച് സംഘത്തെ കഠുവയിലെ അഭിഭാഷകര്‍ തടഞ്ഞതിനു പിന്നാലെയാണ് സുപ്രീംകോടതി ഇടപെട്ടത്. എല്ലാ ദിവസത്തെയും വിചാരണ നടപടികള്‍ കാമറയില്‍ പകര്‍ത്തിയിരുന്നു. 2018 ജൂണ്‍ പത്തിനാണ് എട്ടുവയസുള്ള നാടോടി ബാലികയെ തട്ടിക്കൊണ്ടുപോയത്.
കഠുവയിലെ ഒരു ക്ഷേത്രത്തിനു സമീപത്തെ ഹാളില്‍ കുട്ടിയെ കെട്ടിയിട്ട് മയക്കുമരുന്നു നല്കി മയക്കിയശേഷം നാലു ദിവസം കൂട്ടമാനഭംഗത്തിനിരയാക്കുകയായിരുന്നു.
https://www.facebook.com/Malayalivartha
