അനന്ത്നാഗില് നടന്ന ഏറ്റുമുട്ടലില് രണ്ട് ഭീകരവാദികളെ സുരക്ഷാസേന വധിച്ചു
അനന്ത്നാഗില് നടന്ന ഏറ്റുമുട്ടലില് രണ്ട് ഭീകരവാദികളെ സുരക്ഷാസേന വധിച്ചു. രഹസ്യ വിവരത്തെതുടര്ന്ന് അചാബല് ഏരിയയിലെ ബിദൂര ഗ്രാമത്തില് സുരക്ഷാ സേന തിരച്ചില് നടത്തവേയാണ് ഏറ്റുമുട്ടലുണ്ടായത്. രാഷ്ട്രീയ റൈഫിള്സ്, ജമ്മു കശ്മീര് പോലീസിലെ സ്പെഷ്യല് ഓപ്പറേഷന്സ് ഗ്രൂപ്പ് എന്നിവര് സംയുക്തമായാണ് തിരച്ചില് നടത്തിയത്. ഭീകരര് വെടിയുതിര്ത്തതോടെ സുരക്ഷാസേന തിരിച്ചടി തുടങ്ങി. ഭീകരര് ഒളിഞ്ഞിരിക്കുന്ന പ്രദേശം വളഞ്ഞ് നടത്തിയ പ്രത്യാക്രമണത്തിലാണ് രണ്ട് ഭീകരര് കൊല്ലപ്പെട്ടത്. ഇവരുടെ മൃതദേഹം കണ്ടെത്തിയിട്ടുണ്ട്. എന്നാല് കൊല്ലപ്പെട്ടവരെ തിരിച്ചറിയാനുള്ള നടപടികള് പുരോഗമിക്കുന്നു. ഇവര് ഏത് ഭീകരവാദ സംഘടനയില് ഉള്പ്പെട്ടതാണെന്ന് തിരിച്ചറിഞ്ഞിട്ടില്ല. ഇതും പരിശോധിച്ച് വരികയാണ്. ഭീകരരുമായുള്ള ഏറ്റുമുട്ടല് തുടരുകയാണെന്നാണ് റിപ്പോര്ട്ടുകള്.
കശ്മീരില് പുല്വാമ മോഡല് ഭീകരാക്രമണത്തിന് പദ്ധതി നടക്കുന്നതായി ഇന്ത്യയ്ക്ക് കഴിഞ്ഞ ദിവസം മുന്നറിയിപ്പ് ലഭിച്ചിരുന്നു . തുടർന്ന് ജമ്മു കശ്മീരില് അതീവ ജാഗ്രത നിർദ്ദേശം നൽകിയിരിക്കുകയാണ്. രഹസ്യാന്വേഷണവിവരം പാക്കിസ്ഥാന് ഇന്ത്യന് ഹൈക്കമ്മീഷന് കൈമാറി. ഭീകരര് സ്ഫോടകവസ്തു നിറച്ച വാഹനം ഉപയോഗിച്ചേക്കുമെന്നാണ് മുന്നറിയിപ്പ്. യുഎസും ഇക്കാര്യം മുന്നറിയിപ്പ് നല്കി. ജമ്മു–കശ്മീരില് കനത്ത സുരക്ഷ ഏർപ്പെടുത്തി.
ഷാങ്ഹായ് ഉച്ചകോടിയിൽ ഭീകരവാദത്തിനെതിരെ നടപടിയെടുത്തില്ലെങ്കിൽ ചർച്ചക്കില്ലെന്ന് ഇന്ത്യ പാക്കിസ്ഥാനെ അറിയിച്ചിരുന്നു. ഇതിന് പിന്നാലെയാണ് പാക്കിസ്ഥാന്റെ ഭാഗത്ത് നിന്ന് മുന്നറിയിപ്പുണ്ടായതെന്നും ശ്രദ്ധേയമാണ്. തെക്കൻ കശ്മീരിലെ ത്രാലിൽ സുരക്ഷാസേന അൽഖ്വയ്ദയുമായി ബന്ധപ്പെട്ടു പ്രവർത്തിക്കുന്ന അന്സാര് ഘസ്വാതുല് ഹിന്ദ് എന്ന സംഘടനാ തലവൻ സാക്കിർ മൂസ(25) എന്ന ഭീകരനെ െകാലപ്പെടുത്തിയതിന്റെ പ്രതികാരമായാണ് ആക്രമണത്തിനു പദ്ധതിയിട്ടതെന്നു സൂചന.
ത്രാലില് കഴിഞ്ഞ മാസം സുരക്ഷാ സേന നടത്തിയ ഓപ്പറേഷനില് സക്കീര് മുസയെ വധിച്ചതിനെ തുടര്ന്നുള്ള പ്രതികാരം തീര്ക്കാന് ഭീകരസംഘം ഒരുങ്ങുന്നതായാണ് സൂചന. 2017 മെയില് ഹിസ്ബുള് മുജാഹിദ്ദീനെ കശ്മീരില് നിരോധിച്ചതോടെ അല്-ഖ്വയ്ദയുമായി ബന്ധമുള്ള അന്സാര് ഘസ്വാത് ള് ഹിന്ദ് എന്ന സംഘടനയുടെ പ്രവര്ത്തനം തുടങ്ങിയത് സംഘടന തലവനായ സക്കീര് മുസ ആയിരുന്നു. 40 സിആര്പിഎഫ് ജവാന്മാര് കൊല്ലപ്പെട്ട ഫെബ്രുവരി 14 ലെ പുല്വാമ ആക്രമണത്തിന് മാസങ്ങള് മാത്രം പിന്നിടുമ്ബോഴാണ് വീണ്ടും ഭീകരാക്രമണ മുന്നറിയിപ്പ് എത്തുന്നത്. അവന്തിപ്പോരയില് നിന്ന് ഏഴു കിലോമീറ്റര് അകലെ പുല്വാമ ജില്ലയിലെ ലെത്പോരായിലെ ഹൈവേയിലാണ് സിആര്പിഎഫ് വാഹനവ്യൂഹത്തിനു നേരെ ആക്രമണം നടന്നത്.
ജമ്മു കാശ്മീരിൽ പുൽവാമ ജില്ലയിലെ അവാന്തിപുരക്കടുത്ത് സുരക്ഷാ ഉദ്യോഗസ്ഥരുമായി സഞ്ചരിച്ചിരുന്ന വാഹനങ്ങൾക്കു നേരെ 2019 ഫെബ്രുവരി പതിനാലാം തീയതിയാണ് , തീവ്രവാദികൾ മനുഷ്യബോംബ് ആക്രമണം നടത്തിയത്. ആക്രമണത്തിൽ 49 സി.ആർ.പി.എഫ് ജവാന്മാർ കൊല്ലപ്പെട്ടു. ഈ ആക്രമണത്തിന്റെ ഉത്തരവാദിത്തം പാകിസ്താനിലെ തീവ്രവാദ സംഘടനയായ ജെയ്ഷ് ഇ മൊഹമ്മദ് ഏറ്റെടുത്തിരുന്നു.
https://www.facebook.com/Malayalivartha