ചെറിയ സമയ ദൈർഘ്യത്തിലുള്ള വീഡിയോകൾ തയ്യാറാക്കി പരസ്പരം പങ്കുവയ്ക്കുന്ന ഒരു സോഷ്യൽ മീഡയ ആപ്പാണ് ടിക് ടോക്. ഫേസ്ബുക്കും വാട്സാപ്പും ഇൻസ്റ്റയുമെല്ലാം മടുത്ത് തുടങ്ങിയ തലമുറ ഇപ്പോൾ വെളിച്ചം കണ്ട ഇയ്യാം പാറ്റകളെ പോലെ ടിക് ടോകിലേക്ക് ചേക്കേറുകയാണ് .. അതേ യുവതലമുറ അക്ഷരാർത്ഥത്തിൽ ഈയ്യാം പാറ്റകളെപോലെ പോലെ അപകടം പതുങ്ങി ഇരിക്കുന്നതറിയാതെ സ്വയം തീയിലേക്ക് എടുത്തുചാടുകതന്നെയാണ് ചെയ്യുന്നത്

ടിക് ടോക് ചൈനയുടെ ചാര ആപ്പെന്ന് ശശിതരൂർ ലോക്സഭയിൽ പറഞ്ഞിരുന്നു . ഇന്ത്യൻ ഉപയോക്താക്കളില്‍ നിന്നും ശേഖരിക്കുന്ന വിവരങ്ങള്‍ ടിക്ടോക് നിയമവിരുദ്ധമായി ചൈനയിലേക്ക് കടത്തുന്നുവെന്ന് ലോക്‌സഭയുടെ ശൂ ന്യവേളയിലാണ് ശശിതരൂർ പറഞ്ഞത് . എന്നാല്‍ ഈ ആരോപണങ്ങള്‍ അസത്യമാണെന്നും ഉപയോക്താക്കളുടെ സുരക്ഷയ്ക്കും സ്വകാര്യതയ്ക്കും ടിക് ടോക്ക് പ്രാധാന്യം നല്‍കുന്നുണ്ടെന്നുമാണ് അധികൃതര്‍ വ്യക്തമാക്കിയത് . മാത്രമല്ല ഇന്ത്യന്‍ ഉപഭോക്താക്കളുടെ വിവരങ്ങള്‍ അമേരിക്കയിലെയും സിംഗപ്പൂരിലെയും ഈ മേഖലയില്‍ പ്രഗത്ഭരായ ഡാറ്റ സെന്ററുകളിലാണ് സൂക്ഷിച്ചിരിക്കുന്നതെന്നും ഡാറ്റകൾ ചൈനയിലേക്ക് അല്ല എത്തുന്നത് എന്നുമാണ് ടിക് ടോക് കമ്പനിയുടെ വിശദീകരണം.
എന്നാൽ വാസ്തവം എന്താണ്? ശശിതരൂർ പറഞ്ഞത് ഇന്ത്യയിൽ നിന്നുള്ള ഉപഭോക്താക്കളുടെ വിവരങ്ങൾ ടിക് ടോക് കമ്പനി അധികൃതർ ചൈനയിലേക്ക് നൽകുന്നു എന്നതാണ് . ഡാറ്റ നേരിട്ട് ചൈനയിലേക്ക് എത്തുന്നില്ല എന്നതിൽ കാര്യമില്ല..സിംഗപ്പൂരിലെയും അമേരിക്കയിലെയും ടിക് ടോക് അധികൃതർ തന്നെയാണ് ഈ ഡാറ്റകൾ

നിയമവിരുദ്ധമായി കുട്ടികളുടെ വിവരങ്ങള്‍ ശേഖരിച്ചതിന് അമേരിക്കന്‍ ഭരണകൂടം അടുത്തിടെ ടിക് ടോക്കിന് 57 ലക്ഷം ഡോളര്‍ പിഴ വിധിച്ചിരുന്നുവെന്നും ശശിതരൂർ പറയുകയുണ്ടായി. എന്താണ് ഈ ടിക്കറ്റോക്കിന്റെ ചരിത്രം എന്ന് നോക്കാം ..
ചൈനീസ് ഇന്‍റെർനെറ്റ് സർവ്വീസസ് കമ്പനിയായ ബൈറ്റ് ഡാൻസിന്‍റേതാണ് യുവാക്കളുടെ ഇടയിൽ ഹരമായി പടർന്നു കയറിയ ടിക് ടോക് ആപ്പ്. 2016 സെപ്റ്റംബറിൽ ഡൗയിൻ എന്ന പേരിലാണ് ടിക് ടോക്കിന്‍റെ ജനനം. ഇത് ചൈനക്ക് പുറത്തേക്ക് വ്യാപിപ്പിച്ചപ്പോൾ പേര് മാറി ടിക് ടോക്കായി. മ്യൂസിക്കലി എന്ന പ്രസിദ്ധമായ ആപ്പ് ഏറ്റെടുത്ത് കൊണ്ടാണ് ഇന്ത്യയിലും അമേരിക്കയിലും ടിക് ടോക് ചുവടുറുപ്പിച്ചത്,

2017 നവംമ്പർ 9നാണ് മ്യൂസിക്കലി എന്ന സ്റ്റാർട്ടപ്പിനെ ഒരു ബില്യൺ അമേരിക്കൻ ഡോളറിനാണു ബൈറ്റ് ഡാൻസ് ഏറ്റെടുത്തത് .. രണ്ട് ആപ്പുകളുടെയും ഡാറ്റ ബേസ് സംയോജിപ്പിച്ചു അതോടെ അക്കൗണ്ടുകളെല്ലാം ടിക് ടോക് എന്ന ഒറ്റ ആപ്പിലേക്ക് കേന്ദ്രീകരിച്ചു. 2018 ല്‍ അമേരിക്കയില്‍ ഏറ്റവും കൂടുതല്‍ ഡൗണ്‍ലോഡ് ചെയ്യപ്പെട്ട ആപ്പായി മാറി ടിക് ടോക് . ഇപ്പോള്‍ ലോകത്ത് എമ്പാടും 150 രാജ്യങ്ങളില്ലായി 75 ഭാഷകളില്‍ ആപ്പ് ഉപയോഗിക്കുന്നു എന്നാണ് കണക്ക്.

ആർക്കും എളുപ്പത്തിൽ വീഡിയോ ഷൂട്ട് ചെയ്ത് എഡിറ്റ് ചെയ്ത് അപ്ലോഡ് ചെയ്യാം എന്നതാണ് ടിക് ടോക്കിനെ പെട്ടന്ന് ജനപ്രിയമാക്കിയത്. യൂട്യൂബിലേക്കോ മറ്റ് വീഡിയോ പ്ലാറ്റ് ഫോമുകളിലേക്കോ ഒരു ദൃശ്യം അപ്ലോഡ് ചെയ്യേണ്ടതിന്‍റെ പകുതി ബുദ്ധിമുട്ട് പോലും ഇല്ല, കൂടെ വീഡിയോ എഡിറ്റ് ചെയ്യാനും മോടിപിടിപ്പിക്കാനുമാവശ്യമായ എല്ലാ സംവിധാനവും ടിക് ടോക്ക് ആപ്പിൽ തന്നെയുണ്ട് എന്നതും വളർച്ചയ്ക്ക് വളമായി.

ഒരു ദിവസം 100 കോടി വീഡിയോ വ്യൂസ് ടിക്ടോക്കിൽ ഉണ്ടാകുന്നു എന്നാണ് കണക്ക്. ഇത്രയും പറഞ്ഞത് ടിക് ടോക്കിന്‍റെ വളർച്ചയുടെ കഥ ,ടിക് ടോക് എന്ന ആപ്പുണ്ടാക്കുന്ന പൊല്ലാപ്പുകൾ ഇതിനെല്ലാമപ്പുറമാണ്.

ടിക് ടോക്കിൽ അപ്ലോഡ് ചെയ്യുന്ന ഡാറ്റയെല്ലാം ചെല്ലുന്നത് ചൈനീസ് സർവ്വറുകളിലേക്കാണ് അവിടെ ഈ വിവരങ്ങൾ എങ്ങനെയൊക്കെ ഉപയോഗിക്കപ്പെടുന്നുവെന്ന് ആർക്കും ഒരു പിടിയും ഇല്ല. ഇത്രയും അധികം ഉപഭോക്താക്കളുള്ള ഇന്ത്യയിൽ സ്വന്തമായി ഒരു ഓഫീസ് പോലൂമില്ല ടിക് ടോക്കിന്.

ഒരു പ്രതിനിധി പോലും ഇന്ത്യയിൽ ഇല്ല എന്നതാണ് യാഥാർത്ഥ്യം. ഒരു പ്രശ്നമുണ്ടായാൽ സർക്കാരിന് വിശദീകരണം ചോദിക്കാൻ ആരുമില്ലാത്ത സ്ഥിതി. ടിക് ടോക് അടക്കമുള്ള ചൈനീസ് ആപ്പുകൾ ഇന്ത്യയിൽ ഓഫീസ് തുടങ്ങണമെന്നും സർവ്വർ സ്ഥാപിക്കണമെന്നും ആവശ്യപ്പെട്ട് കേന്ദ്ര സർക്കാർ നിലപാട് കടുപ്പിക്കവെയാണ് തമിഴ് നാട്ടിൽ നിന്നുള്ള നിരോധന ശ്രമം വരുന്നത്.

ടിക് ടോക് വഴി ലൈംഗീക ചൂഷണം നടക്കുന്നുവെന്ന പരാതികളും വ്യാപകമാണ് , കൊച്ചു കുട്ടികളിലേക്ക് വരെ അ‍ഡൾട്ട് കണ്ടന്‍റ് എത്തുന്നുവെന്നും ഇത് തടയാൻ പോലും ആപ്പിൽ മാർഗമില്ലെന്നതും യാഥാർത്ഥ്യമാണ്.

യൂട്യൂബ് ബ്ലോക്ക് ചെയ്യും എന്ന് ഉറപ്പുള്ള സെക്സ്, മദ്യപാനം, കഞ്ചാവ് പുകയ്ക്കല്‍, അപകീർത്തിപ്പെടുത്തൽ തുടങ്ങി നിരവധി വിഡിയോകൾ ഈ ആപ്പില്‍ കാണാം. ചില ദൃശ്യങ്ങളെക്കുറിച്ച് ടിക്ടോക് മുന്നറിയിപ്പ് നല്‍കുന്നുണ്ടെങ്കിലും മുന്നറിയിപ്പുകൾ ചടങ്ങിന് മാത്രമാണ് എന്നതാണ് സത്യം.

ഇത്തരം വിഡിയോകൾ റിപ്പോർട്ട് ചെയ്യാൻ ഉള്ള സംവിധാനം ടിക് ടോക്കിലുണ്ടെങ്കിലും അത് എളുപ്പത്തിൽ ലഭ്യമായ രീതിയിൽ അല്ല എന്നും പെട്ടന്ന കണ്ണിൽ പെടുന്ന സ്ഥലത്തല്ല എന്നും ആക്ഷേപമുണ്ട്.

ടിക് ടോക്കില്‍ എത്തിയ പല യുവതികളുടേയും ഫോട്ടോകളും വീഡിയോകളും പോണ്‍സൈറ്റുകളിലെത്തുന്നു എന്ന റിപ്പോര്‍ട്ട് കഴിഞ്ഞ ഡിസംബറിൽ വലിയ വാർത്തയായിരുന്നു. സർക്കാർ നിർദേശത്തെ തുടർന്ന് ടെക് ഭീമനായ ഗൂഗിൾ പ്ലേ സ്റ്റോറിൽ നിന്ന് ആപ് പിൻവലിച്ചു. എന്നാൽ മദ്രാസ് ഹൈക്കോടതി മധുര ബെഞ്ചിന്റേ വിധിയിൽ ടിക് നിരോധനം ഉപാധികളോടെ നീക്കി.