കോ​ള​ജ് വി​ദ്യാ​ര്‍​ഥി​നി​യെ കൊ​ല​പ്പെ​ടു​ത്തി​യ കേ​സി​ല്‍ ആ​ണ്‍ സു​ഹൃ​ത്തി​ന് വ​ധ​ശി​ക്ഷ. ആ​സാ​മി​ലെ ഗോ​ഹ​ട്ടി​യിലെ കോ​ള​ജ് വി​ദ്യാ​ര്‍​ഥി​നി ശ്വേ​ത അ​ഗ​ര്‍​വാ​ളി​നെ കൊ​ന്നു​ക​ത്തി​ച്ച കേ​സി​ല്‍ ആ​ണ്‍​സു​ഹൃ​ത്ത് ഗോ​വി​ന്ദ് സിം​ഹാ​ളി​നാണ് കോ​ട​തി മ​ര​ണം ​വ​രെ തൂ​ക്കി​ലേ​റ്റാ​ന്‍ വി​ധി​ച്ചിരിക്കുന്നത് . ഗോ​വി​ന്ദ‍​യു​ടെ മാ​താ​വി​നെ​യും സ​ഹോ​ദ​രി​യേ​യും ജീ​വ​പ​ര്യ​ന്തം ത​ട​വി​നും ശി​ക്ഷി​ച്ചു. 2017 ഡി​സം​ബ​റി​ലാ​ണ് കേസിനാസ്പദമായ സംഭവം. ഗോ​വി​ന്ദ​യു​ടെ വീ​ടി​ന്‍റെ കു​ളി​മു​റി​യി​ല്‍‌ ശ്വേ​ത​യു​ടെ ക​ത്തി​ക്ക​രി​ഞ്ഞ മൃ​ത​ദേ​ഹം ക​ണ്ടെ​ത്തുകയായിരുന്നു.

ഗോ​വി​ന്ദ​യു​ടെ വാ​ട​ക ​വീ​ട്ടി​ല്‍ എത്തിയ പെ​ണ്‍​കു​ട്ടിയും ഇയാളും തമ്മിൽ വി​വാ​ഹം സം​ബ​ന്ധി​ച്ച്‌ വ​ഴ​ക്കു​ണ്ടാ​യി. വാ​ക്കേ​റ്റ​ത്തി​നി​ടെ ശ്വേ​ത​യു​ടെ ത​ല ഗോ​വി​ന്ദ ഭി​ത്തി​യി​ല്‍ ഇ​ടിക്കുകയായിരുന്നു. ഉടൻ തന്നെ ശ്വേ​ത ബോ​ധ​ര​ഹി​ത​യാ​യി നി​ല​ത്തു​വീ​ണു. ഗുരുതര പരിക്കേറ്റ ശ്വേത മ​ര​ണ​പ്പെ​ട്ടു എ​ന്നു​ക​രു​തി ഗോ​വി​ന്ദ​യും മാ​താ​വും സ​ഹോ​ദ​രി​യും ചേ​ര്‍​ന്ന് തീ​കൊ​ളു​ത്തുകയായിരുന്നു. പി​ന്നീ​ട് മൃ​ത​ദേ​ഹം ഒ​ളി​പ്പി​ക്കാനുള്ള ശ്ര​മവും ന​ട​ത്തി. ക​ഴി​ഞ്ഞ മാ​സം 30 ന് പ്ര​തി​ക​ള്‍ കു​റ്റ​ക്കാ​രാ​ണെ​ന്ന് ​കോ​ട​തി ക​ണ്ടെ​ത്തി​.