കണ്ണൂരില് മൂന്നുപേരെ വീടിനുള്ളില് മരിച്ച നിലയില് കണ്ടെത്തി
കണ്ണൂരില് മൂന്നുപേരെ പേരെ വീടിനുള്ളില് ജീവനൊടുക്കിയ നിലയില് കണ്ടെത്തി. കൂത്തുപറമ്പിന് സമീപം നീര്വേലിയില് ഒരു കുടുംബത്തിലെ മൂന്നുപേരെയാണ് വീട്ടിനുള്ളില് ജീവനൊടുക്കിയ നിലയില് കണ്ടെത്തിയത്. നീര്വേലി നിമിഷ നിവാസില് ഇ.കിഷന് (20), മുത്തശ്ശി വി.കെ.റെജി, മുത്തശ്ശിയുടെ സഹോദരി റോജ എന്നിവരാണ് മരിച്ചത്.
കിഷന് ആദ്യം തൂങ്ങിമരിച്ചതിനു പിന്നാലെ ഇതില് മനംനൊന്ത് മുത്തശ്ശിയും സഹോദരിയും ആത്മഹത്യ ചെയ്യുകയായിരുന്നുവെന്നാണ് വിവരം. കിഷനും മുത്തശ്ശിയും സഹോദരിയുമായിരുന്നു വീട്ടില് താമസം.
കിഷന്റെ മൃതദേഹം തലശ്ശേരിയിലെ ആശുപത്രിയില് കൊണ്ടുപോയി തിരികെ എത്തിയപ്പോഴാണ് മുത്തശ്ശി റെജിയെയും സഹോദരി റോജയെയും തൂങ്ങി മരിച്ച നിലയില് കണ്ടത്. സുനിലാണ് കിഷന്റെ പിതാവ് (പികെഎസ് ടൂര്സ് ആന്ഡ് ട്രാവല്സ്). മാതാവ്: നിമിഷ. സഹോദരന്: അക്ഷയ് (ഹോട്ടല് മാനേജ്മെന്റ് വിദ്യാര്ഥി, മയ്യില്).
https://www.facebook.com/Malayalivartha
