മികച്ച കോണ്സ്റ്റബിനുള്ള പുരസ്കാരം നേടിയതിന് പിറ്റേന്ന് കൈക്കൂലിക്കേസില് പിടിയില്
തെലങ്കാനയിലെ മെഹ്ബൂബ് നഗര് ഐ ടൗണ് പൊലിസ് സ്റ്റേഷനിലെ സിവില് പൊലിസുകാരന് തിരുപതി റെഡ്ഡി സമൂഹത്തെയാകെ ഞെട്ടിച്ചുകളഞ്ഞു. സ്വാതന്ത്ര്യദിനത്തില് മികച്ച കോണ്സ്റ്റബിളിനുള്ള പുരസ്കാരം നേടിയ റെഡ്ഡി് പിറ്റേന്ന് തന്നെ കൈക്കൂലിക്കേസില് പിടിയിലായി.
ലൈസന്സുള്ള മണല്കടത്തുകാരനോട് 17000രൂപ കൈക്കൂലിയായി ചോദിച്ച് ഭീഷണിപ്പെടുത്തിയിരുന്നു. പണം നല്കിയില്ലെങ്കില് മണല് ട്രാക്ടര് പിടിച്ചെടുക്കുമെന്നും തിരുപതി ഭീഷണിപ്പെടുത്തി. ശല്യം സഹിക്കവയ്യാതായതോടെ മണല്കടത്തുകാരന് വിജിലന്സിനെ സമീപിക്കുകയായിരുന്നു. വിജിലന്സ് നല്കിയ 17000 രൂപ വാങ്ങുന്നതിനിടെയാണ് തിരുപ്പതി അറസ്റ്റിലായത്.
സ്വാതന്ത്ര്യദിനത്തിലാണ് എക്സൈസ് മന്ത്രി ശ്രീനിവാസ് ഗൗഡയില് നിന്ന്, തിരുപ്പതി മികച്ച കോണ്സ്റ്റബിളിനുളള പുരസ്കാരം ഏറ്റുവാങ്ങിയത്. കോടതിയില് ഹാജരാക്കിയ തിരുപ്പതി ഇപ്പോള് റിമാന്ഡിലാണ്. ഏതായാലും തിരുപ്പതിയുടെ കഥ കേട്ട മന്ത്രി ശ്രീനിവാസ് ഗൗഡയുള്പ്പടെയുള്ളവര് മൂക്കത്ത് വിരല് വച്ച് പോവുകയാണ്.
https://www.facebook.com/Malayalivartha