എ.ടി.എം. കാർഡ് ഉപയോഗിച്ച് രാത്രിയിൽ പണം കൈമാറ്റം ചെയ്യുന്നതിന് എസ്.ബി.ഐ.യുടെ നിയന്ത്രണം .. ഇതുവരെ 24 മണിക്കൂറും ലഭിച്ചിരുന്ന സേവനങ്ങള്‍ ഇനി രാത്രി 11 മുതല്‍ രാവിലെ ആറുമണിവരെ ലഭിക്കില്ലെന്ന് എസ്ബിഐ അറിയിച്ചു
മറ്റു ബാങ്കുകളുടെ എടിഎമ്മുകള്‍ കുറവുള്ള പ്രദേശങ്ങളില്‍ ഈ തീരുമാനം ഇടപാടുകാര്‍ക്ക് തിരിച്ചടിയാകും.
എടിഎം കാര്‍ഡ് ഉപയോഗിച്ചുള്ള തട്ടിപ്പുകള്‍ കുറക്കാനാണ് പുതിയ നീക്കമെന്നാണ് എസ് ബി ഐ വ്യക്തമാക്കുന്നത്. തട്ടിയെടുക്കുന്ന കാർഡ് ഉപയോഗിച്ചും മറ്റും വൻതോതിൽ പണം കൈമാറുന്നതായി ശ്രദ്ധയിൽപ്പെട്ടതോടെയാണ് ഇത്തരമൊരു നടപടി
നിലവില്‍ 40,000 രൂപവരെ എടിഎം വഴി വേറെ അക്കൗണ്ടിലേക്കോ കാര്‍ഡിലേക്കോ കൈമാറാന്‍ സൗകര്യമുണ്ടായിരുന്നു. വ്യാപക തട്ടിപ്പ് നടക്കുന്നതായി പരാതി വന്നതോടെ ചില നിയന്ത്രണങ്ങള്‍ കൊണ്ടുവന്നെങ്കിലും ഫലപ്രദമായിരുന്നില്ല. ഇതോടെയാണ് രാത്രി 11 മുതല്‍ രാവിലെ ആറുവരെ ഈ സൗകര്യം പൂര്‍ണമായി നിര്‍ത്തിയത്.
എസ്ബിഐ ഐടി വിഭാഗം ജനറല്‍ മാനേജര്‍ രാജേഷ് സിക്ക പുറത്തിറക്കിയ സര്‍ക്കുലറിലാണ് ഇത് സംബന്ധിച്ച വിവരങ്ങളുള്ളത്.
രാത്രി 12ന് തൊട്ടുമുമ്പും 12 കഴിഞ്ഞും കാര്‍ഡ് വഴി ഇടപാട് നടത്തി രണ്ട് ദിവസം പിന്‍വലിക്കാവുന്ന തുക പിന്‍വലിക്കുന്ന രീതി വ്യാപകമായി ശ്രദ്ധയില്‍പ്പെടുന്നുവെന്നാണ് വിശദീകരണം. ഇത്തരത്തില്‍ ഒന്നിച്ച് പണം പിന്‍വലിക്കുന്നത് ബാങ്കിന് അസൗകര്യമുണ്ടാക്കുന്നുവെന്നും പറയുന്നു .
പുതിയ മാറ്റത്തെക്കുറിച്ച് എടിഎം സ്‌ക്രീനിലും ശാഖകളിലും പ്രദര്‍ശിപ്പിച്ച് ഇടപാടുകാരെ അറിയിക്കണമെന്ന് സര്‍ക്കുലറില്‍ നിര്‍ദ്ദേശമുണ്ട്. രാവിലെ ആറു മണി മുതല്‍ രാത്രി 10 മണി വരെ മാത്രമേ എടിഎമ്മുകള്‍ പ്രവര്‍ത്തിക്കുകയുള്ളുവെന്ന ബോര്‍ഡുകള്‍ പലയിടത്തും അധികൃതര്‍ സ്ഥാപിക്കാന്‍ തുടങ്ങി
എ ടി എം കാർഡ് ഉപയോഗിച്ചുള്ള തട്ടിപ്പുകൾ ഏറിവരുന്ന സാഹചര്യത്തിൽ എ ടി എം കാർഡ് ഉപയോഗിക്കുന്നവർ ഈ കാര്യങ്ങൾ ശ്രദ്ധിക്കണം ..ഒന്നാമതായി എ ടി എം പാസ് വേഡ് കൂടെക്കൂടെ മാറ്റണം എ.ടി.എമ്മില്‍ പണം പിന്‍വലിക്കുമ്പോള്‍ സംശയകരമായ ആരുടെയെങ്കിലും സാന്നിധ്യം ഉണ്ടായാല്‍ ഉറപ്പായും അപ്പോള്‍ തന്നെ മറ്റൊരു മെഷിന്‍ വഴി പാസ്വേര്‍ഡ് മാറ്റിയിരിക്കണം......
ഇടപാടിന് ശേഷം എ.ടി.എമ്മില്‍ നിന്ന് കിട്ടുന്ന സ്ലിപ്പ് അവിടെ വലിച്ചറിയരുത് ..കാര്‍ഡ് ഇട്ടശേഷം പണം കിട്ടിയില്ല എങ്കില്‍ ബാങ്കിനെ ഉടന്‍ വിവരം അറിയക്കണം...കേടായി എന്നു തോന്നുന്ന മെഷീനില്‍ കാര്‍ഡ് ഇട്ട് ഇടപാട് നടത്താന്‍ ശ്രമിക്കരുത് ..എ.ടി.എം. ഇടപാടുമായി ബന്ധപ്പെട്ട് പരാതികള്‍ ഉണ്ടായാല്‍ അത് എത്രയും വേഗം ബാങ്കിനെ അറിയിക്കണം
കഴിയുമെങ്കില്‍ ഷോപ്പിങ് മാളുകള്‍, ഒറ്റപ്പെട്ട സ്ഥലങ്ങള്‍ എന്നിവിടങ്ങളിലുള്ള എ.ടി.എമ്മുകള്‍ ഉപയോഗിക്കാതിരിക്കുക......
അക്കൗണ്ടില്‍ ഇടപാട് നടന്നാല്‍ അപ്പോള്‍ തന്നെ നിങ്ങളെ വിവരം അറിയാക്കാനുള്ള എസ്.എം.എസ്. അലേര്‍ട്ട് സൗകര്യം പ്രയോജനപ്പെടുത്തണം
എ ടി എം തട്ടിപ്പ് കൂടി വരുന്ന സാഹചര്യത്തിൽ ബാങ്ക് കൈക്കൊണ്ട ഈ തീരുമാനത്തിൽ ബുദ്ധിമുട്ടുണ്ടാകാതിരിക്കാൻ ഇടപാടുകൾ രാത്രി 10 നു എം,മുൻപ് നടത്താൻ എല്ലാവരും ശ്രദ്ധിക്കേണ്ടതാണ്
https://www.facebook.com/Malayalivartha
