പോസ്റ്റുമോര്ട്ടവും മരണാനന്തര കര്മങ്ങളും കഴിഞ്ഞ മൃതദേഹങ്ങൾ ഇപ്പോഴും സൂക്ഷിക്കുന്നു; സൂക്ഷിച്ചു വയ്ക്കുന്നതിന്റെ കാരണം ഇതാണ്
മഹാരാഷ്ട്രയിലെ ജല്ഗാവോണിലുള്ള ഒരു ആശുപത്രിയിൽ ഇപ്പോഴും മരണപ്പെട്ട രണ്ട് കൗമാരക്കാരുടെ മൃതദേഹങ്ങള് സൂക്ഷിച്ചുവച്ചിരിക്കുന്നു. മൃതശരീരത്തിന് ജീവന് വയ്പ്പിക്കാനും ഇവരെ ജീവിതത്തിലേക്ക് തിരികെ കൊണ്ടുവരുന്നതിനും വേണ്ടിയാണ് ഇങ്ങനെ സൂക്ഷിച്ചു വച്ചിരിക്കുന്നത്. കല്ലുപ്പിൽ ഇട്ടു വച്ചാണ് ആശുപത്രി അധികൃതര് ഈ ശരീരങ്ങള് കേടുകൂടാതെ സൂക്ഷിക്കുന്നത്.ഒരു ക്വിന്റലില് കൂടുതല് വരുന്ന കല്ലുപ്പുണ്ട്. ആശുപത്രിയില് ജഡങ്ങള് സൂക്ഷിച്ച് വച്ചിരിക്കുന്നതിന്റെ വീഡിയോ കഴിഞ്ഞ ദിവസങ്ങളിൽ പുറത്ത് വന്നിരുന്നു.
ജല്ഗാവോണിലെ മാസ്റ്റര് കോളനിയില് വച്ച് സ്വിമ്മിങ് പൂളില് മുങ്ങി മരിച്ച കൗമാരക്കാരുടെ മൃതദേഹങ്ങളാണ് .കഴിഞ്ഞ വെള്ളിയാഴ്ചയാണ് ഇവര് മരണപ്പെട്ടത്. അന്ന് രാത്രിതന്നെ ഇവരുടെ മൃതദേഹങ്ങള് പോസ്റ്റുമോര്ട്ടം ചെയ്തിരുന്നു.മരിച്ച കുട്ടികളുടെ മരണാനന്തര കര്മങ്ങളും വീട്ടുകാര് നടത്തിയിരുന്നു. എന്നാൽ ഇതിന് ശേഷം ആശുപത്രിയിലെ മോര്ച്ചറിയില് വച്ച് എന്താണ് സംഭവിച്ചതെന്ന് വ്യക്തമല്ലായിരുന്നു.വിവരം അറിഞ്ഞ് ആശുപത്രി അധികൃതരുമായി സംസാരിച്ച പൊലീസിനും തൃപ്തികരമായ ഉത്തരമല്ല കിട്ടിയത്. എന്നാല് മൃതദേഹങ്ങള് ആശുപത്രിയുടെ കൈവശം ആയതിനാല് കൂടുതല് വിവരങ്ങള് വെളിപ്പെടുത്താനാകില്ല എന്നാണ് ആശുപത്രി അധികൃതർ പോലീസിനോട് പറഞ്ഞിരിക്കുന്നത്. മഹാരാഷ്ട്ര പൊലീസിലെ ഇന്സ്പെക്ടര് രഞ്ജീത് ശിര്ഷാതാണ് ഈ കാര്യം വ്യക്തമാക്കിയത്.
https://www.facebook.com/Malayalivartha