ഇനി ഫോൺ ചാർജാകാൻ മണിക്കൂറുകൾ കാത്ത് നിൽക്കേണ്ട; 20 മിനിട്ടിനുള്ളില് ഫുള് ചാര്ജാകുന്ന ബാറ്ററിയുമായി സാംസങ്
ദീർഘ നേരം മൊബൈൽ ഉപയോഗിക്കുവാൻ അത് മുഴുവൻ ചാർജോടെ ഇരിക്കണം. ചാർജ് മുഴുവനാകുവാൻ തന്നെ ഒരുപാട് നേരം എടുക്കാറുണ്ട്. എന്നാൽ ഇത് 20 മിനിട്ടിനുള്ളില് ഫുള് ചാര്ജാകുന്ന ബാറ്ററിയുമായി സാംസങ് വരുന്നു . സാംസങ് സ്വന്തമായി വികസിപ്പിച്ചെടുത്ത ഈ ബാറ്ററി 2020ല് അല്ലെങ്കില് 2021ല് ഇറങ്ങുന്ന ഫോണുകളില് ഉപയോഗിച്ചേക്കുമെന്നാണ് പുറത്തു വരുന്ന വിവരം. ബാറ്ററി നിര്മ്മിക്കുന്നത് അദ്ഭുത വസ്തു എന്നറിയപ്പെടുന്ന ഗ്രാഫീന് ഉപയോഗിച്ചാണ്. ഗ്രാഫീന് ഉപയോഗിച്ച് നിര്മ്മിക്കുന്ന ബാറ്ററി 20 മിനിറ്റ് പോലും എടുക്കാതെ ചാര്ജ് ചെയ്യാന് സാധിക്കും.
ബാറ്ററികളില് ഉള്ക്കൊളളിക്കാന് പറ്റിയ പദാര്ത്ഥമാണ് ഗ്രാഫീന്. ശാസ്ത്രജ്ഞര് ഇതിനെ ചാര്ജിങ്ങിന്റെ സൂപ്പര്ഹൈവേ എന്നാണ് വിളിക്കുന്നത്. കാര്ബണ് ആറ്റങ്ങളുടെ ഒറ്റപാളിയില് നിന്ന് നിര്മിച്ചെടുക്കുന്ന ദ്വിമാന പദാര്ഥമാണ് ഗ്രാഫീന്. കട്ടിയുള്ളതും അതേസമയം വളയ്ക്കാവുന്നതുമായ ഒരു നാനോ മെറ്റീരിയല് ആയാണ് ഇത് അറിയപ്പെടുന്നത്. സ്റ്റീലിനെക്കാള് ശക്തവും വജ്രത്തേക്കാള് കാഠിന്യമുള്ളതുമാണ്. വളരെ നല്ലൊരു വൈദ്യുതി-താപ ചാലകം കൂടിയാണ് ഗ്രാഫീന്. ഇതിന്റെ സാധ്യത പൂര്ണ്ണമായി ഉപയോഗിക്കാൻ കഴിഞ്ഞാൽ ഒരു ഫോണ് 7 സെക്കന്ഡില് ചാര്ജ് ചെയ്യാനായേക്കുമെന്നാണ് ഗവേഷകര് അഭിപ്രായപ്പെടുന്നു.
https://www.facebook.com/Malayalivartha