അവര് യഥാര്ത്ഥത്തില് ഇരകളാണ്... പാകിസ്ഥാനിലെ ജനതയ്ക്ക് അവരുടെ ജീവിതം മടുത്തെന്ന് അദ്നന് സ്വാമി
പാകിസ്ഥാനിലെ ജനതയ്ക്ക് അവരുടെ ജീവിതം മടുത്തെന്ന് പറഞ്ഞ് ഗായകനും പാക് വംശജനുമായ അദ്നന് സ്വാമി. 'അവര് അടിസ്ഥാനപരമായി നിസഹായരാണ്.തെറ്റിദ്ധരിപ്പിക്കപ്പെട്ട ജനതയാണ്. ജീവിതം തന്നെ അവര്ക്ക് മടുത്തു'പാകിസ്ഥാന് ജനതയെ കുറിച്ച് അദ്നന് സാമി പറഞ്ഞു.'ഞാന് പാക്കിസ്ഥാന് വിട്ടതുമുതല് അവര് എന്നെ വേട്ടയാടുകയാണ്. ഞാന് അവരോട് ക്ഷമിക്കുന്നു. ദൈവം അവരുടെ ജീവിതം മെച്ചപ്പെടുത്തട്ടെയെന്ന് ആഗ്രഹിക്കുന്നു.അവര് യഥാര്ത്ഥത്തില് ഇരകളാണ്' അദ്നന് സാമി കൂട്ടിച്ചേര്ത്തു.
പാക് പൗരത്വം ഉപേക്ഷിച്ച് ഇന്ത്യന് പൗരനായ വ്യക്തിയാണ് അദ്നന് സ്വാമി. ഇതേതുടര്ന്ന് പാകിസ്ഥാന് അദ്നനെതിരെ നിരന്തരമായി രംഗത്ത് വന്നിരുന്നു. സോഷ്യല് മീഡിയയിലൂടെയുള്ള സൈബര് ആക്രമണത്തെ കുറിച്ചുള്ള ചോദ്യത്തില് മറുപടി പറയുകയായിരുന്നു അദ്ദേഹം.
ജമ്മു കശ്മീരിന്റെ പ്രത്യേക പദവി എടുത്തുകളഞ്ഞതിന് പിന്നാലെ അദ്നന് സ്വാമിക്കെതിരെ സോഷ്യല് മീഡിയയിലൂടെ സൈബര് ആക്രമണം നടന്നിരുന്നു. തുടര്ന്നാണ് പാകിസ്ഥാനെതിരെ ഗായകന് രംഗത്തെത്തിയത്. പാക് പൗരത്വം ഉപേക്ഷിച്ച് സാമിക്ക് 2016ലാണ് ഇന്ത്യന് പൗരത്വം ലഭിക്കുന്നത്.
https://www.facebook.com/Malayalivartha
