പീഠനാരോപണ വിധേയനായ പരമോന്നത ന്യായാധിപനായ രഞ്ജന് ഗോഗോയില് നിന്ന്; മെഡല് വാങ്ങില്ലെന്ന് പെണ്കുട്ടി
പരമോന്നത ന്യായാധിപന് രഞ്ജന് ഗോഗോയ്ക്കെതിരെ ദേശീയ നിയമസര്വകലാശാലയിലെ എല്എല്എം കോഴ്സിലെ സ്വര്ണമെഡലിസ്റ്റായ സുര്ഭി കാര്വ. ലൈംഗിക പീഡനാരോപണവിധേയനായിരുന്ന ചീഫ് ജസ്റ്റിസ് രഞ്ജന് ഗൊഗോയില് നിന്ന് മെഡല് വാങ്ങില്ലെന്നാണ് സുര്ഭി കാര്വ വ്യക്തമാക്കിയത്. ബിരുദദാനച്ചടങ്ങില് പങ്കെടുക്കാതെ വിട്ടു നിന്ന സുര്ഭി, നീതിപൂര്വമായ നടപടികള് പീഠന കേസില് ഉണ്ടായില്ലെന്ന് വിമര്ശിച്ചു. രാജ്യത്തെ പരമോന്നത ന്യായാധിപനെതിരെയുള്ള സുര്ഭിയുടെ പ്രതിഷേധം നീതിന്യായചരിത്രത്തില്ത്തന്നെ അപൂര്വമാണെന്നതാണ് ശ്രദേയം.
ലീഗല് വെബ്സൈറ്റായ ലൈവ് ലോയ്ക്ക് നല്കിയ അഭിമുഖത്തില് സുര്ഭി പറഞ്ഞത്. ''ഇത്തരമൊരു ചടങ്ങില് പങ്കെടുക്കാന് എന്നെ നീതിബോധം അനുവദിച്ചില്ലെന്നാണ്'', മുന് ജീവനക്കാരി ഉന്നയിച്ച ലൈംഗികപീഡനാരോപണത്തില് നീതിപൂര്വമോ സുതാര്യമോ ആയ നടപടികളുണ്ടായില്ലെന്ന് സുര്ഭി കാര്വ പറയുന്നു. ''ഇത്തരമൊരു കേസില് ചീഫ് ജസ്റ്റിസിന് ക്ലീന് ചിറ്റ് നല്കിയ രീതി അപലപനീയമാണ്. ചീഫ് ജസ്റ്റിസില് നിന്ന് അവാര്ഡ് വാങ്ങുന്ന കാര്യം തന്നെ എന്നെ അസ്വസ്ഥയാക്കുകയും, വേണ്ടെന്ന് വയ്ക്കാന് പ്രേരിപ്പിക്കുന്നതുമാണ്'', എന്ന് സുര്ഭി. ഭരണഘടനാപരമായ നീതിബോധവും അഭിഭാഷകരുടെ ഉത്തരവാദിത്തങ്ങളുമാണ് താന് പഠിച്ചത്. അത്തരമൊരു നടപടികളും ചീഫ് ജസ്റ്റിസിനെതിരായ കേസില് പാലിക്കപ്പെട്ടില്ല - സുര്ഭി പറയുന്നു. 'ഭരണഘടന യഥാര്ത്ഥത്തില് ഫെമിനിസ്റ്റ് മുഖമുള്ളതാണോ' എന്ന അന്വേഷണമായിരുന്നു സുര്ഭിയുടെ എല്എല്എം കോഴ്സിന്റെ ഭാഗമായുള്ള തീസിസ്. സ്വര്ണമെഡല് ലഭിക്കുക എന്നത് തന്നെയാണ് വലിയ അംഗീകാരമെന്ന് സുര്ഭി പറയുന്നു. ഇന്നലെ ദില്ലിയില് നടന്ന ബിരുദദാനച്ചടങ്ങില് എന്തുകൊണ്ടാണ് അഭിഭാഷക വൃത്തി വിദ്യാര്ത്ഥികള് തെരഞ്ഞെടുക്കാന് മടിക്കുന്നതെന്ന് ചീഫ് ജസ്റ്റിസ് ചോദിച്ചിരുന്നു. എത്രയും പെട്ടെന്ന് ബാര് അസോസിയേഷനുകളില് എന്റോള് ചെയ്യണമെന്നും, അഭിഭാഷകരാവുന്നത് തന്നെയാണ് ഭരണഘടനാമൂല്യങ്ങള് സംരക്ഷിക്കാന് ഏറ്റവും സഹായകമെന്നും ചീഫ് ജസ്റ്റിസ് പറഞ്ഞിരുന്നു.
അതേസമയം നാടകീയമായാണ് ഏപ്രില് 19-ന് ചീഫ് ജസ്റ്റിസിനെതിരെ ലൈംഗികാരോപണവുമായി ചീഫ് ജസ്റ്റിസിന്റെ തന്നെ ഓഫീസിലെ ജീവനക്കാരി രംഗത്തെത്തിയത്. ക്ലറിക്കല് തസ്തികയിലുള്ള യുവതിയാണ് ചീഫ് ജസ്റ്റിസിനെതിരെ ആരോപണമുന്നയിച്ച് 22 ജഡ്ജിമാര്ക്ക് കത്തെഴുതിയത്.പ്രതിരോധത്തിലായ ചീഫ് ജസ്റ്റിസ് ഇത് ചര്ച്ച ചെയ്യാന് പിറ്റേന്ന് തന്നെ സുപ്രീംകോടതിയില് തീര്ത്തും നാടകീയമായി അടിയന്തര സിറ്റിംഗ് വിളിച്ചു ചേര്ത്തു. കോടതിയിലെ മുതിര്ന്ന ജഡ്ജിമാരും അറ്റോര്ണി ജനറലടക്കമുള്ളവരും ഈ സിറ്റിംഗിനെത്തി. അടിയന്തരമായി വിളിച്ചു ചേര്ത്ത ആ സിറ്റിംഗില് തനിക്കെതിരായ എല്ലാ ആരോപണങ്ങളും നിഷേധിച്ചു. ഇത് ജുഡീഷ്യറിയുടെ പ്രവര്ത്തന സ്വാതന്ത്ര്യം തന്നെ ഹനിക്കാനുള്ള ഗൂഢാലോചനയാണെന്നും യുവതിക്ക് പിന്നില് വലിയ ആരൊക്കെയോ ഉണ്ടെന്നും ചീഫ് ജസ്റ്റിസ് പറഞ്ഞു. എന്നാല്, ഈ കേസില് ഒരു തവണ മാത്രം സമിതിക്ക് മുമ്പാകെ ഹാജരായ ശേഷം പരാതിക്കാരി അന്വേഷണവുമായി സഹകരിക്കുന്നതില് നിന്ന് പിന്മാറുകയാണുണ്ടായത്. ഭീതിജനകമായ അന്തരീക്ഷത്തിലാണ് ഹിയറിംഗ് നടക്കുന്നതെന്നും സ്വന്തം അഭിഭാഷകനെപ്പോലും കൂടെക്കൂട്ടാന് അനുവദിക്കാതിരിക്കുന്നത് അന്വേഷണം വഴിതിരിച്ചു വിടാനാണെന്നും, സമിതിയില് വിശ്വാസമില്ലെന്നും പറഞ്ഞുകൊണ്ടായിരുന്നു പരാതിക്കാരി പിന്മറിയത്. ആ കാരണം ചൂണ്ടിക്കാട്ടിയാണ് സുര്ഭി കാര്വ മെഡല് സ്വീകരിക്കാതിരുന്നത്
https://www.facebook.com/Malayalivartha
