ബന്ധം വേര്പ്പെട്ടതറിയാതെ തീവണ്ടി എന്ജിന് മാത്രം ഓടിയത് 10 കിലോമീറ്റര്; വൻ ദുരന്തം ഒഴിവായി
ബന്ധം വേര്പ്പെട്ടതറിയാതെ തീവണ്ടി എന്ജിന് മാത്രമായി 10 കിലോമീറ്റര് വരെ ഓടി. അപകടത്തില് ആര്ക്കും പരിക്കില്ല. ആന്ധ്രാപ്രദേശിലാണ് സംഭവം. ഓടിക്കൊണ്ടിരിക്കുകയായിരുന്ന ട്രെയിനിന്റെ എന്ജിന് കോച്ചില് നിന്നും വേര്പെടുകയായിരുന്നു. എന്ജിനുമായി ബന്ധം വിച്ഛേദിക്കപ്പെട്ട കോച്ചുകള് ട്രാക്കില്ത്തന്നെ നിന്നു. 10 കിലോമീറ്ററോളം എന്ജിന് മാത്രമായാണ് ഓടിയത്.
ഭുവനേശ്വറില് നിന്ന് സെക്കന്തരാബാദിലേക്ക് വരികയായിരുന്നു വിശാഖ എക്സ്പ്രസ്. എന്ജിനും കോച്ചും തമ്മില് ബന്ധിപ്പിക്കുന്ന റോഡ് പൊട്ടിയാതായിരുന്നു ബന്ധം വേര്പ്പെടാൻ കാരണം. നര്സിപ്പട്ടണത്തിനും തുണി റെയില്വേ സ്റ്റേഷനും ഇടയ്ക്കായിരുന്നു സംഭവം. ഒടുവിൽ യാത്രക്കാര് റെയില്വെ അധികൃതരെ വിവരം അറിയിച്ചതിനെ തുടര്ന്ന് ടെക്നീഷ്യന്മാര് വീണ്ടും എന്ജിന് ഘടിപ്പിച്ചു. ട്രെയിന് യാത്ര തുടരുകയായിരുന്നു. ഇതേ തുടര്ന്ന് ഇതു വഴിയുള്ള പല ട്രെയിനുകളും വൈകി ഓടി.
https://www.facebook.com/Malayalivartha