യദ്യൂരപ്പ മന്ത്രിസഭയില് അശ്ലീല ദൃശ്യങ്ങള് കണ്ടത് വിവാദമായതോടെ രാജി വച്ച ലക്ഷ്മണ് സാവദിയും സിസി പാട്ടീലും
കര്ണാടകയില് യദ്യൂരപ്പ മന്ത്രിസഭയിലേക്ക് എത്തിയ 17 പേരില് നിയമസഭയില് അശ്ലീല ദൃശ്യങ്ങള് കണ്ടത് വിവാദമായതോടെ രാജി വച്ച ബിജെപി നേതാക്കളായ ലക്ഷ്മണ് സാവദിയും സിസി പാട്ടീലും ഇടം നേടി. 2012 ഫെബ്രുവരിയില് നിയമസഭാ സമ്മേളനത്തിന് ഇടയില് പോണ് വീഡിയോ ക്ലിപ്പ് കണ്ടതിനെ തുടര്ന്നാണ് ഇരുവരും വിവാദത്തിലായത്.
2012ല് സഹകരണവകുപ്പ് മന്ത്രിയായിരുന്നു ലക്ഷ്മണ് സാവദി, വനിതാ ശിശുക്ഷേമ വകുപ്പ് മന്ത്രിയായിരുന്നു സിസി പാട്ടീല്. നിയമസഭയിലിരുന്ന് അശ്ലീല ദൃശ്യങ്ങള് കണ്ടത് വിവാദമായതോടെ ഇരുവരും രാജി വച്ചിരുന്നു.
ഏഴ് വര്ഷങ്ങള്ക്ക് ശേഷമാണ് ഇവര് തിരികെ മന്ത്രിസഭയില് എത്തുന്നത്. സി സി പാട്ടില് ഇത്തവണ തെരഞ്ഞെടുക്കപ്പെട്ട എംഎല്എയാണ്. എന്നാല് ലക്ഷ്മണ് സാവദിയുടെ സ്ഥിതി വ്യത്യസ്തമാണ്. കോണ്ഗ്രസ് ജെഡിഎസ് സഖ്യസര്ക്കാരിന്റെ തകര്ച്ചയിലേക്ക് നയിച്ചതില് നിര്ണ്ണായക പങ്കുവഹിച്ചതോടെയാണ് ലക്ഷ്മണ് സാവദി മന്ത്രി സഭയിലേക്ക് എത്തിയതെന്നാണ് ദേശീയ മാധ്യമങ്ങള് റിപ്പോര്ട്ട് ചെയ്യുന്നത്.
https://www.facebook.com/Malayalivartha