വഴിയിൽ സ്ഥാപിച്ചിരുന്ന ഫ്ലെക്സുകൾ ഒരു ജീവൻ കവർന്നതിന് പിന്നാലെ ഫ്ലെക്സുകളും കട്ടൗട്ടുകളും. പൊതുസ്ഥലങ്ങളിൽ വയ്ക്കുന്നതിനെതിരെ എതിർപ്പുകൾ ഉയരുകയാണ് . ഇപ്പോൾ ഈ ആവശ്യം ഉന്നയിച്ച് സിനിമാ താരങ്ങളും വന്നിരിക്കുകയാണ്. അണ്ണാഡിഎംകെ നേതാവിന്റെ മകന്റെ വിവാഹ പരസ്യ ബോർഡ് പൊട്ടിവീണായിരുന്നു സ്കൂട്ടർ യാത്രക്കാരി മരിച്ചത്.ഈ സംഭവം വിവാദമായതിന് പിന്നാലെയാണ് സിനിമാ താരങ്ങളും ഫ്ലെക്സിനെതിരെയുള്ള എതിർപ്പ് പരസ്യമായി പ്രകടിപ്പിച്ചത്.

നടൻമാരായ വിജയ്, സൂര്യതുടങ്ങിയവർ വാർത്താ സമ്മേളനം നടത്തി ഫ്ലെക്സ് സംസ്കാരം അവസാനിപ്പിക്കാൻ ആരാധകർക്കു നിർദേശം നൽകുകയുണ്ടായി. വിജയ് ചിത്രം ‘ബിജിൽ’ സിനിമയുടെ റിലീസിംഗിന് ഫ്ലെക്സുകളോ കട്ടൗട്ടുകളോ വേണ്ടെന്ന് വിജയ് നിർദേശിക്കുകയുണ്ടായി. ഫ്ലെക്സുകളും കട്ടൗട്ടുകളും വേണ്ടെന്നും അവയ്ക്കായി ഉപയോഗിക്കുന്ന പണം സാമൂഹിക സേവന പ്രവർത്തനങ്ങൾക്കായി മാറ്റുകയെന്നും സൂര്യ ആരാധകരോട് പറഞ്ഞു.നടൻ അജിത്തിന്റെ മധുരയിലെ ഫാൻസ് അസോസിയേഷൻ ഫ്ലെക്സുകൾ ഇനി മുതൽ ഫ്ലെക്സുകൾ സ്ഥാപിക്കില്ലെന്ന് പറഞ്ഞു. ഫ്ലെക്സുകളുടെ ഉപയോഗം കോടതി വിലക്കിയിട്ടും തുടരുകയാണ്. ഇത്തരത്തിലെ അപകടങ്ങൾ ആവർത്തിക്കില്ലെന്ന് ഉറപ്പു വരുത്തുക തന്നെ വേണമെന്ന് കമൽഹാസൻ പറഞ്ഞു.