രാജ്യത്തിന് പൊതുവായൊരു ഭാഷ വേണമെന്നും ഭൂരിപക്ഷം പേരും സംസാരിക്കുന്ന ഹിന്ദിയാണ് ഇന്ത്യയെ ഒന്നിപ്പിക്കാന്‍ കഴിയുന്ന ഭാഷ എന്ന അമിത്ഷായുടെ പ്രസ്താവനയോട് അനുകൂല നിലപാട് അറിയിച്ച് ത്രിപുര മുഖ്യമന്ത്രി . ഹിന്ദിയെ ദേശീയ ഭാഷയായി അംഗീകരിക്കാത്തവര്‍ രാജ്യ സ്‌നേഹമില്ലാത്തവരാണെന്ന്‌ ത്രിപുര മുഖ്യമന്ത്രി ബിപ്ലബ് കുമാര്‍ ദേബ്‌ പറഞ്ഞു.

രാജ്യത്തെ ബഹുഭൂരിപക്ഷം ജനങ്ങളും സംസാരിക്കുന്ന ഹിന്ദിയാണ് നമ്മുടെ ദേശീയഭാഷയെന്നും . ഹിന്ദിയെ ദേശീയഭാഷയായി അംഗീകരിക്കാത്തവര്‍ രാജ്യ സ്‌നേഹമില്ലാത്തവരാണെന്നും അദ്ദേഹം വ്യക്തമാക്കി. ബ്രിട്ടീഷുകാര്‍ ഇന്ത്യ ഭരിക്കാതിരുന്നെങ്കില്‍ ഇംഗ്ലീഷ് ഭാഷ ഒരിക്കലും നമ്മുടെ ഔദ്യോഗിക സംവിധാനത്തിന്റെ ഭാഗമാകില്ലായിരുന്നുവെന്നും ബിപ്ലബ് കുമാര്‍ കൂട്ടിച്ചേർത്തു. രാജ്യത്തിന് പൊതുവായൊരു ഭാഷവേണമെന്നും ഭൂരിപക്ഷം പേരും സംസാരിക്കുന്ന ഹിന്ദിക്ക് ഇന്ത്യയെ ഒന്നിപ്പിക്കാന്‍ കഴിയുമെന്നുമായിരുന്നു അമിഷാ അഭിപ്രായപ്പെട്ടത്. ഹിന്ദി ദിവസാചരണത്തിന്റെ ഭാഗമായുള്ള ട്വീറ്റിലാണ്‌ അമിത് ഷാ ഇക്കാര്യം പറഞ്ഞത്.